વાંકાનેરમાં વાહન ચેકિંગ સમયે કાર ચાલકે પોલીસ કર્મચારીને ઇજા પહોચડતા 3 સામે ગુનો નોંધાયો: બેની ધરપકડ

વાંકાનેરમાં વાહન ચેકિંગ ચાલુ હતું ત્યારે સ્વીફ્ટ ગાડી લઈને નીકળેલા શખ્સો દ્વારા પુરઝડપે વાહન ચલાવવામાં આવ્યું હતું અને પોલીસને હડફેટે લીધી હતી જેથી પોલીસ કર્મચારીને ઇજા પણ થઈ હતી જેથી વાંકાનેર સીટી પોલીસ સ્ટેશન ખાતે હાલમાં ત્રણ શખ્સોની સામે ગુનો નોંધીને પોલીસે આગળની કાર્યવાહી કરેલ છે.

વાંકાનેર સીટી પોલીસ સ્ટેશન ખાતે હાલમાં પીએસઆઈ એ.પી.મેવાડા દ્વારા સુનીલ ઝવેરભાઈ ઉનેચા, નયન ગોપાલભાઈ ઝખવાડિયા અને મયંક લાલભાઈ વાલાણી રહે. ત્રણેય સુરેન્દ્રનગર વાળા સામે ફરિયાદ નોંધાવવામાં આવી છે જેમાં જણાવ્યુ છે કે, ફરિયાદી તેની સરકારી ફરજના ભાગરૂપે જીનપરા જકાતનાકા પાસે વાહન ચેકિંગ કરી રહ્યા હતા ત્યારે આરોપીઓ સ્વીફ્ટ ગાડી નંબર જીજે 13 એનએન 6919 લઈને ત્યાંથી નીકળ્યા હતા અને ત્યાં કામ કરતાં પોલીસ કર્મચારીને હડફેટે લઈને ઇજા કરી હતી. જેથી વાંકાનેર સીટી પોલીસ સ્ટેશનમાં ગુનો નોંધીને પોલીસે આરોપી સુનીલ ઝવેરભાઈ ઉનેચા અને નયન ગોપાલભાઈ ઝખવાડિયાને ઝડપી લીધેલ છે જો કે, આરોપી મયંક લાલભાઈ વાલાણીને પકડવા માટેની તજવીજ ચાલી રહી છે.