મોરબીના ખેવારીયા ગામે ઝેરી દવા પી ગયેલ બીજી સગીરાનું પણ સારવારમાં મોત મોરબી નજીક કારખાનામાં લેબર ક્વાર્ટરની સીડી ઉપરથી નીચે પટકાતા ઈજા પામેલ 4 વર્ષની બાળકીનું મોત, વેગડવાવ ગામે વાડીએ ઝેરી દવા પી ગયેલ મહિલાનું સારવારમાં મોત મોરબીના નવા જાંબુડીયા ગામ પાસે તળાવમાં ડૂબી જવાથી અજાણ્યા યુવાનો મોત, ત્રિકોણબાગના પાર્કિગમાં આંચકી આવતા સારવારમાં ખસેડેલા અજાણ્યા આધેડનું મોત મોરબીમાં આજે દિવાળી: મચ્છુ નદીના કાંઠે BAPS સ્વામિનારાયણ મંદિરમાં મહંત સ્વામી મહારાજની હાજરીમાં અક્ષરપુરુષોત્તમ મહારાજ સહિત 17 મૂર્તિઓની પ્રાણ પ્રતિષ્ઠા મોરબીના પરશુરામ યુવા ગ્રૂપ દ્વારા કાલે શરદપૂર્ણિમા નિમિતે રાસોત્સવનું આયોજન મોરબીની નાલંદા વિદ્યાલય ખાતે ડૉ. ચિન્મય ત્રિવેદી દ્વારા ઓર્થોપેડિક્સ-હાડકાંના સ્વાસ્થ્ય અંગે માર્ગદર્શન સેમિનાર યોજાયો મોરબીમાં નિવૃત્ત સરકારી કર્મચારીઓ માટે સાયબર સેફટી બાબતે ડીવાયએસપીની હાજરીમાં વિશેષ કાર્યક્રમ યોજાયો મોરબીના સિરામિક એસો.ના પ્રમુખો તેમજ ઉદ્યોગકારોએ કર્યું રાજ્ય મંત્રી કાંતિભાઈ અમૃતિયાનું સન્માન

Breaking news

Morbi Today

મોરબીમાં સાયબર ફ્રોડના ગુના પકડાયેલ ડોક્ટર સામે અગાઉ 3 રાજ્યોમાં નોંધાયા છે ફરિયાદ, હાલમાં આરોપી જેલ હવાલે, વધુ એકની ધરપકડ

07-02-2026 08:07 PM

મોરબીમાં સાયબર ફ્રોડના ગુના પકડાયેલ ડોક્ટર સામે અગાઉ 3 રાજ્યોમાં નોંધાયા છે ફરિયાદ, હાલમાં આરોપી જેલ હવાલે, વધુ એકની ધરપકડ

મોરબીમાં રહેતા ડોક્ટર દ્વારા તેનું બેન્ક એકાઉન્ટ 20 હજાર રૂપિયાના કમિશન માટે ભેજાબાજ શખ્સોને ભાડે આપવામાં આવ્યું હતું ત્યાર બાદ તેના બેન્ક એકાઉન્ટમાં 14.55 લાખ રૂપિયા આવ્યા હતા જેમાંથી 7.60 લાખ રૂપિયા ઓનલાઈન સગેવગે કરવામાં આવ્યા હતા જેથી કરીને ત્રણ શખ્સોની સામે ગુનો નોંધાયેલ હતો જેમાંથી પોલીસે પહેલા ડોકટરની ધરપકડ કરી હતી ત્યાર બાદ આવી જ રીતે બેન્ક એકાઉન્ટ ભાડે આપનારા બીજા એક શખ્સને પણ મોરબીમાંથી પકડવામાં આવેલ છે અને આ ગુનામાં હજુ મુખ્ય ભેજાબાજ શખ્સોને પકડવા માટેની તજવીજ ચાલી રહી છે.

સમગ્ર ભારત દેશની અંદર યેનકેન પ્રકારે કમિશન આપીને લોકોના બેન્ક એકાઉન્ટ ભાડે લેવામાં આવે છે અને લોકોની સાથે સાયબર ફ્રોડ કરીને તેના નાણા તેમાં મેળવીને સગેવગે કરવામાં આવતા હોય છે આવી વધુ એક ફરિયાદ મોરબી જિલ્લા સાયબર ક્રાઇમ પોલીસ સ્ટેશન ખાતે નોંધાયેલ છે જેમાં મોરબીમાં આવેલ ખ્વાજા પેલેસ ખાતે રહેતા ડોક્ટર સુજલ સબીરભાઈ ચામડીયા (20) તથા ચિરાગ રહે. અમદાવાદ અને મનોજ વાલજીભાઈ મકવાણા રહે. રંગપર તાલુકો બોટાદ વાળાની સામે ગુનો નોંધાયો હતો જે ગુનામાં આરોપી સુજલ સબીરભાઈ ચામડીયા રહે. ખ્વાજા પેલેસ મોરબી અને અકબર ફકરુદીનભાઈ શેખ રહે. મોરબી વાળાની ધરપકડ કરેલ છે

આ ગુનાની ડીવાયએસપી વિરલ દલવાડી પાસેથી મળતી માહિતી મુજબ મોરબીના રહેતા ડો. સુજલ સબીરભાઈ ચામડીયાએ પોતાનું બેન્ક એકાઉન્ટ 20 હજાર રૂપિયાના કમિશન માટે આરોપી ચિરાગ અને મનોજને ભાડે આપ્યું હતું અને ત્યારબાદ ચિરાગ અને મનોજે તેઓની સાથે લાગતા વળગતા શખ્સો સાથે મળીને જુદા જુદા વ્યક્તિઓ પાસેથી સાયબર ફ્રોડ કે પછી છેતરપિંડી કરીને ડો. સુજલ ચામડીયાના બેન્ક એકાઉન્ટમાં 14,55,349 રૂપિયા મેળવ્યા હતા જે પૈકીના 7,60,034 રૂપિયા વિડ્રો કરવામાં આવ્યા હતા બાકીની રકમને બેન્ક એકાઉન્ટમાં ફ્રીઝ કરવામાં આવેલ છે

વધુમાં જણાવ્યુ હતું હતું કે, આ શખ્સની સામે અગાઉ પંજાબ, આંધ્રપ્રદેશ અને તેલંગાણામાં આવી જ ફરિયાદ નોંધાયેલ છે અને ગુજરાતમાં ચોથો ગુનો નોંધાયો છે. જો કે, આરોપી અકબર ફકરુદીનભાઈ શેખે પણ તેનું બેક એકાઉન્ટ ભાડે આપ્યું હતું અને તેમાં આંધ્રપ્રદેશમાંથી 29 લાખ રૂપિયા આવ્યા હતા જેને વિડ્રો કરીને સગેવગે કરવામાં આવેલ છે. હાલમાં આરોપી ડો. સુજલ ચામડીયાને જેલ હવાલે કરવામાં આવેલ છે અને આરોપી અકબર શેખે બે દિવસના પોલીસ રિમાન્ડ ઉપર છે.

વધુમાં સાયબર ક્રાઇમ પોલીસ સ્ટેશનના પીઆઇ એન.એ.વસાવા પાસેથી મળતી માહિતી મુજબ મોરબી જીલ્લામાં અત્યાર સુધીમાં કુલ મળીને 15 જેટલા મ્યુલ એકાઉન્ટને લગતા ગુના નોંધવામાં આવેલ છે. અને આરોપીઓને પકડીને જેલ હવાલે કરવામાં આવેલ છે અને આ ગુનામાં હાલમાં બે આરોપીને પકડવામાં આવેલ છે જો કે, બંને પાસેથી બેન્ક એકાઉન્ટ ભાડે લેનારા આરોપી ચિરાગ અને મનોજને પકડવા માટેની હાલમાં તજવીજ ચાલી રહી છે.