હળવદના વેગડવાવ ફાટક પાસે ટ્રાફિક સહિતની સમસ્યા ઉકેલવાની દિશામાં આગળ વધતું તંત્ર
SHARE
JOIN OUR GROUP
હળવદના વેગડવાવ ફાટક પાસે ટ્રાફિક સહિતની સમસ્યા ઉકેલવાની દિશામાં આગળ વધતું તંત્ર
હળવદના વેગડવાવ ફાટક પાસે ટ્રાફિક સહિતની સમસ્યાના કાયમી ઉકેલ માટે છેલ્લા ઘણા સમયથી રજૂઆતો કરવામાં આવી રહી હતી તેવામાં આ ફાટક પાસે પ્રસ્તાવિત ઓવરબ્રિજ કે અંડરબ્રિજના મહત્વપૂર્ણ કામ માટે જુદાજુદા ત્રણ વિભાગની ટીમો દ્વારા ફાઇનલ માપણીની પ્રક્રિયા પૂર્ણ કરવામાં આવેલ છે.
હળવદના વેગડવાવ ફાટક પાસે પ્રસ્તાવિત ઓવરબ્રિજ કે અંડરબ્રિજના મહત્વપૂર્ણ કામ અંતર્ગત ગઇકાલે હળવદ નગરપાલિકા, ડી.એલ.આર કચેરી મોરબી, જી.યુ.ડી.સી મોરબી તથા તેમની પી.એમ.સી. ટીમની સંયુક્ત ઉપસ્થિતિમાં રેલવે વિભાગની મંજૂરી બાદ ફાઇનલ માપણીની પ્રક્રિયા સફળતાપૂર્વક પૂર્ણ કરવામાં આવી હતી. આ માપણી પૂર્ણ થવાથી હળવદ શહેરના વિકાસને નવી ગતિ મળશે કેમ કે, ટ્રાફિક સમસ્યાના કાયમી ઉકેલ તરફ મહત્વપૂર્ણ પગલું ભરાયું છે. અને ફાઇનલ માપણી બાદ ટૂંક સમયમાં ટેન્ડર પ્રક્રિયા હાથ ધરવામાં આવશે અને ત્યારબાદ કામ શરૂ કરવામાં આવશે. અહિયાં ઓવરબ્રિજ કે અંડરબ્રિજના બનાવથી હળવદ શહેર તેમજ આસપાસના વિસ્તારના નાગરિકોની સુવિધામાં વધારો થશે.
