મોરબી જીલ્લાના હજયાત્રીઓ માટે શુક્રવારે વાંકાનેર ખાતે વેક્સીનેશન કેમ્પ

મોરબી જીલ્લામાંથી વર્ષ ૨૦૨૬માં હજ કમિટી-ઇન્ડિયા મારફત હજયાત્રાએ જતા તમામ હાજીઓ માટે વેક્સીનેશન કેમ્પનું આયોજન કરવામાં આવ્યું છે અને આગામી તા. ૧૩/૦૨/૨૦૨૬ ને શુક્રવારના રોજ વાંકાનેરના ચંદ્રપુર ગામે આવેલ મોહંમદી લોકશાળા, માર્કેટીગ યાર્ડની બાજુમાં, જીલ્લા પંચાયત આરોગ્ય શાખા મોરબી અને પીર મશાયખ સાર્વજનિક હોસ્પિટલ દ્વારા સંયુક્ત રીતે વેક્સીનેશન કેમ્પ યોજાશે.

આ કેમ્પમાં ફક્ત હજ કમિટી ઓફ ઇન્ડિયા મારફતે હજયાત્રાએ જતા હજયાત્રીઓ માટે જ તા. ૧૩/૦૨/૨૦૨૬ ના રોજ સવારે ૮:૩૦ થી બપોરે ૧૨:૦૦ વાગ્યા સુધી વેક્સીનેશન કેમ્પ યોજાશે, જેમાં હજયાત્રીઓએ કવર નંબરનો લેટર, પાસપોર્ટ સાઈઝ ફોટો, મેડીકલ ફીટનેશ સર્ટિફિકેટની નકલ તથા કોવિડ વેક્સીનેશ સર્ટીફીકેટ સાથે લાવવાનું રહેશે. તેવું અધિકારી જણાવ્યુ છે.