મોરબીના સબજેલની સામેના ભાગમાં આવેલ વોંકળા પાસેથી કોઈ કારણોસર મૃત્યુ પામેલ હાલતમાં યુવાનની લાશ મળી આવી હતી જેથી તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવ અંગેની હોસ્પિટલ મારફતે મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મોરબીના મકરાણીવાસ વિસ્તારમાં રહેતા મહેબુબભાઇ ઈબ્રાહીમભાઇ બ્લોચ (45) નામના યુવાનનો મોરબીમાં આવેલ સબજેલની સામેના ભાગમાં વોકળા પાસેથી મૃત્યુ પામેલ હાલતમાં મૃતદેહ મળી આવ્યો હતો જેથી તેના મૃતદેહને પીએમ માટે પ્રથમ મોરબી સિવિલ હોસ્પિટલ ખાતે લઈને આવ્યા હતા અને ત્યારબાદ મૃતક યુવાનના મૃતદેહનું ફોરેન્સિક પીએમ કરાવવાનું ડોક્ટરે કહ્યું હતું અને આ અંગેની મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ બી.બી.ડાભી ચલાવી રહ્યા છે