મોરબીમાં જાહેરમાં જુગાર રમતા 6 શખ્સો 16,000 ની રોકડ સાથે ઝડપાયા

મોરબીમાં વાંકાનેર દરવાજા પાસે આવેલ વાડી નજીક જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી અને ત્યારે સ્થળ ઉપરથી જુગાર રમતા છ શખ્સો મળી આવ્યા હોય પોલીસે 16,000 રૂપિયાની રોકડ સાથે તેની ધરપકડ કરી હતી અને એ ડિવિઝન પોલીસ સ્ટેશન ખાતે ગુનો નોંધાયો છે

મોરબી એ ડિવિઝન પોલીસની ટીમ પેટ્રોલિંગમાં હતી ત્યારે વાંકાનેર દરવાજા પાસે આવેલ વાણંદ સમાજની વાડી પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા સબીરહુસેન કાસમભાઇ કુરેશી (37), મહેબૂબભાઈ હુસેનભાઇ શેખ (54), અલ્તાફભાઈ સિકંદરભાઈ સમા (58), તૈયબભાઈ ઈસ્માઈલભાઈ ખુરેશી (68), અબ્દુલભાઈ કાદરભાઈ સમા (50) અને આરીફખા કાસમખા ખોરમ (40) રહે. બધા મોરબી વાળા જુગાર રમતા મળી આવ્યા હોય પોલીસે તેની પાસેથી 16,000 રૂપિયાની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધાયો છે