મોરબીમાં પત્રકાર તરીકેની ઓળખ આપીને ખંડણી માંગવાના ગુનામાં પકડાયેલ વિશાલ સેજપાલ સહિત બંન્ને આરોપીના બે દિવસના રીમાન્ડ મંજુર
SHARE
JOIN OUR GROUP
મોરબીમાં પત્રકાર તરીકેની ઓળખ આપીને ખંડણી માંગવાના ગુનામાં પકડાયેલ વિશાલ સેજપાલ સહિત બંન્ને આરોપીના બે દિવસના રીમાન્ડ મંજુર
મોરબીમાં નાની કેનાલ રોડ ઉપર આવેલ ઓફિસની અંદર ગેરકાયદેસર પ્રવેશ કરીને પત્રકારની ઓળખ આપીને આધાર કાર્ડની કીટ બંધ કરાવી દેવાની, બદનામ કરવાની અને ગુનામાં ફિટ કરાવી દેવાની ધમકી આપવામાં આવી હતી અને યુવાન પાસેથી એક લાખ રૂપિયાની ખંડણી માંગવામાં આવી હતી જેથી યુવાને મોરબી એ ડિવિઝન પોલીસ સ્ટેશન ખાતે ફરિયાદ કરી હતી જે ગુનામાં પોલીસે હાલમાં કહેવાતા પત્રકાર સહિત બે આરોપીને પકડીને રિમાન્ડની માંગણી સાથે કોર્ટમાં રજુ કરતા કોર્ટે બે દિવસના રીમાન્ડ મંજુર કરેલ છે.
મોરબીના અરુણોદયનગરમાં રહેતા વિશાલભાઈ મહેશભાઈ પાંચાણી (30)એ મોરબી એ ડિવિઝન પોલીસ સ્ટેશન ખાતે વિશાલ સેજપાલ, ગૌતમ મકવાણા અને કાસમ સુમરા સામે ફરિયાદ નોંધાવેલ હતી જેમાં તેને જણાવ્યું હતું કે મોરબીના નાની કેનાલ રોડ ઉપર આવેલ હરિકૃપા કોમ્પ્લેક્સમાં તેઓની ઓફિસ આવેલી છે અને ત્યાં આધાર કાર્ડની કીટ બંધ કરાવી દેવાની ધમકી આપવામાં આવતી હતી અને કહેવાતા પત્રકાર વિશાલ સેજપાલના કહેવાથી કાસમ સુમરા દ્વારા રૂપિયાની માંગણી કરવામાં આવતી હતી અને ત્યારબાદ વિશાલ સેજપાલ અને ગૌતમ મકવાણાએ ફરિયાદીની ઓફિસમાં ગેરકાયદેસર પ્રવેશ કરીને પત્રકાર તરીકેની ખોટી ઓળખ આપી હતી અને તેઓની ઓફિસમાં રહેલ સરકારી લેપટોપના વિડીયો ઉતારીને ફરિયાદી તથા સાહેદને ગુનામાં ફિટ કરી દેવાની ધમકી આપી હતી અને ફરિયાદી તથા સાહેદ પાસેથી એક લાખ રૂપિયાની ખંડણી માંગી હતી આટલું જ નહીં પરંતુ ફરિયાદીને બે લાફા મારીને તેના પેન્ટના કિસ્સામાં હાથ નાખીને 5,000 ની લૂંટ કરવાની કોશિશ કરી હતી તથા ફરિયાદી અને સાહેદને બદનામ કરવાની ધમકી આપી રૂપિયાની માંગણી કરવામાં આવી હતી જેથી યુવાને નોંધાવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી હતી અને હાલમાં આરોપી વિશાલ સેજપાલ અને ગૌતમ મકવાણાની ધરપકડ કરેલ છે અને બંને આરોપીઓને સાથે રાખીને ઘટના સ્થળે રી કન્ટ્રકસન કરાવવામાં આવ્યું હતુ ત્યાર બાદ બંને આરોપીઓને રિમાન્ડની માંગણી સાથે કોર્ટમાં રજૂ કરતા કોર્ટે બંન્ને આરોપીના બે દિવસના રીમાન્ડ મંજુર કર્યા છે તેવી માહિતી પોલીસ પાસેથી જાણવા મળી છે.
