મોરબીમાં વાવડી કન્યા શાળા ખાતે મેડિકલ કેમ્પ યોજ્યો

મોરબીના ડો.હસ્તલેખા મહેતા (હસ્તીબેન) દ્વારા ૨૨૧ માં કેમ્પનું આયોજન નારી દિવસ નિમિત્તે વાવડી કન્યાશાળા વાવડી (મોરબી) મુકામે કરવામાં આવ્યુ હતુ. આ કેમ્પમાં શાળામાં અભ્યાસ કરતા બાળકો તેમજ તેમના પરિવારના સભ્યો માટે વજન, ત્રણ દિવસની દવા સાથે, બ્લડ સુગર અને બીપી ચેક કરી આપવામાં આવ્યુ હતુ. શાળાના પ્રિન્સીપાલ સાગરભાઈ મહેતાનો આ કેમ્પને સફળ બનાવવા માટે સહકાર મળ્યો હતો. આ કેમ્પ અંતર્ગત માતુ જયેન્દ્રબાળાબેન ઇન્દુલાલ મહેતા તેમજ ફૈબાશ્રી વિધ્યાબેન મહેતા તરફથી શાળામાં અભ્યાસ કરતા બાળકોને વાર્ષિક પરીક્ષામાં પ્રથમ નંબર આવેલ વિદ્યાર્થીઓને ધો. ૧ થી ૫ માટે ડ્રોઈંગ બુક સાથે કલર બોક્સ, ધો. ૫ થી ૮ માટે સ્કૂલ બેગ ભેટ આપેલ હતી આ કેમ્પમાં સહાયક તરીકે રશ્મિનભાઈ દેસાઈ, શ્રીમતી જસવંતીબેન ચાવડા, શ્રીમતી રુચિતાપંડય, સુદીપ વોરા, નાની એવી હિયા ચાવડાએ સેવા આપેલ હતી