માળિયા (મી)ના મોટા દહીંસરા ગામે જુગાર રમતા પાંચ શખ્સ પકડાયા

માળીયા મિયાણાં તાલુકાનાં મોટા દહીંસરા ગામે જાહેરમાં જુગાર રમતા હતા ત્યારે સ્થાનિક પોલીસે જુગારની રેડ કરી હતી ત્યારે સ્થળ ઉપરથી જુગાર રમતા પાંચ શખ્સો મળી આવ્યા હતા જેથી તેને રોકડા 10,500 સાથે પકડીને પોલીસે સ્થાનિક પોલીસ સ્ટેશનમાં ગુનો નોંધીને આગળની કાર્યવાહી કરેલ છે.

માળિયા (મી) તાલુકા પોલીસની ટીમ પેટ્રોલિંગમાં હતી ત્યારે મોટા દહીંસરા ગામે ખોજાવાસ વાળી શેરી બોરડીવાસમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી લક્ષ્મણગીરી ભીખુગીરી ગોસાઈ, મનસુખલાલ ઉર્ફે મનુભા લાભુભા ગઢવી, હરપાલસિંહ નવુભા જાડેજા, રામદેવસિંહ સુખદેવસિંહ જાડેજા અને સામતભાઈ ભીખાભાઈ બાંભવા રહે. બધા મોટા દહીંસરા માળિયા (મી.) વાળા જુગાર રમતા મળી આવ્યા હતા જેથી પોલીસે 10,500 ની રોકડ સાથે તેની ધરપકડ કરી હતી અને માળીયા તાલુકા પોલીસ સ્ટેશને ગુનો નોંધીને આગળની કાર્યવાહી કરેલ છે.