મોરબીમાં સિરામિકના કારખાના બંધ હોય એસપી મુકેશ પટેલે ઉદ્યોગકારોને કર્યા મહત્વપૂર્ણ સૂચનો

મોરબી સિરામિક એસોસિએશન હોલ ખાતે ઉદ્યોગકારોની મિટિંગ મળી હતી જેમાં એસપી મુકેશ પટેલ, ડીવાયએસપી સમીર સારડા અને જે.એમ.આલ આવ્યા હતા અને સિરામિકના કારખાના બંધ છે ત્યારે શુ શુ કાળજી રાખવી તે બાબતે વિગતે ચર્ચા કરી હતી. જેમાં વિવિધ સુચનો કરવામાં આવ્યા હતા અને ખાસ કરીને ચોરીની ઘટના ન બને તેના માટે ઉદ્યોગકારોને સચેત કરવામાં આવેલ હતાં હાલમાં યુધ્ધની પરિસ્થિતિના કારણે સિરામિકના યુનિટો શટડાઉન છે ત્યારે દરરોજ એક ભાગીદાર યુનિટની વિઝિટ કરે અને રોડની સાઇડ સીસીટીવી કેમેરા ચાલુ રાખવા, કંપનીના કંપાઉન્ડમાં સિક્યુરિટી વધારી દેવી અને મજૂર સાથે કોઈ વાદવિવાદનો પ્રશ્ન સર્જાય તેવા સમયે શક્ય હોય ત્યાં સુધી પ્રશ્નનું શાંતિથી નિરાકરણ કરવું, અને કોઈએ કોઈપણ સ્થિતિમાં કાયદો હાથમાં લેવો નહી. તેવા સૂચનો અધિકારી કર્યા હતા