મોરબીમાં ધક્કાવાળી મંદિર નજીક એસટી બસના ચાલકે હડફેટે લેતા આધેડને માથામાં ઇજા અને પગમાં ફેક્ચર

મોરબીના રેલ્વે સ્ટેશન નજીક આવેલ ધક્કાવાળી મેલડી માતાજીના મંદિર તરફ આધેડ ચાલીને પસાર થઈ રહ્યા હતા ત્યારે એસટી બસના ચાલકે તેને હડફેટે લેતા અકસ્માત થયો હતો જે બનાવમાં આધેડને માથામાં ઇજા થઈ હતી તથા ડાબા પગમાં ઢીચણથી ઉપર સાથળના ભાગે ફેક્ચર થયું હતું જેથી તેઓને સારવાર માટે હોસ્પિટલે લઈ ગયા હતા અને ત્યારબાદ આધેડે નોંધાવેલ ફરિયાદ આધારે પોલીસે હાલમાં એસટી બસના ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

મોરબી તાલુકાના રાજપર ગામે રહેતા રમણીકભાઈ ગોપાલભાઈ મારવાણીયા (52)એ હાલમાં મોરબી એ ડિવિઝન પોલીસ સ્ટેશન ખાતે એસટી બસ નંબર જીજે 18 ઝેડ 8419 ના ચાલક સામે ફરિયાદ નોંધાવી છે જેમાં જણાવ્યું છે કે મોરબીના ધક્કાવાળી મેલડી મંદિર તરફ તેઓ ચાલીને જઈ રહ્યા હતા દરમિયાન પાછળથી એસટી બસમાં ચાલકે ફૂલ સ્પીડમાં પોતાની બસ ચલાવીને તેઓને હડફેટે લીધા હતા અને અકસ્માત કર્યો હતો આ બનાવમાં ફરિયાદીને માથામાં ઇજા થઈ હતી અને ડાબા પગમાં ઢીચણથી ઉપરના ભાગે સાથળમાં ફ્રેક્ચર થયું હતું જેથી ઇજા પામેલ હાલતમાં તેઓને સારવાર માટે લઈ ગયા હતા અને ત્યારબાદ આધેડે નોંધાવેલ ફરિયાદ આધારે પોલીસે એસટી બસના ચાલક સામે ગુનો નોંધી આરોપી પકડવા માટે તજવીજ શરૂ કરે છે

બાઈકની ચોરી

મોરબી તાલુકાના ઘુટુ ગામે આવેલ બંસરી હોટલની પાછળના ભાગમાં વસંતવિહાર સોસાયટીમાં રહેતા જીલુભાઈ પ્રવીણભાઈ વાસવેલીયા (42)એ પોતાના ઘર પાસે તેનું બાઈક નંબર જીજે 36 એ ઇ 2792 પાર્ક કરીને મૂક્યુ હતુ જે 60,000 રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે