મોરબીમાં બાઈક ચાલકે હડફેટે લેતા ઇજા પામેલ 12 વર્ષના બાળકનું મોત
SHARE
JOIN OUR GROUP
મોરબીમાં બાઈક ચાલકે હડફેટે લેતા ઇજા પામેલ 12 વર્ષના બાળકનું મોત
મોરબીના ઇન્દિરાનગર ગામ પાસે આવેલ ધર્મનગર વિસ્તારમાં 12 વર્ષનો બાળક જાહેર રસ્તા ઉપર હતો ત્યારે તેને બાઈક ચાલકે હડફેટે લેતા અકસ્માતનો બનાવ બન્યો હતો જે બનાવમાં બાળકને ગંભીર ઈજા થઈ હોવાથી તેનું મોત નીપજયુ હતું આ બનાવ સંદર્ભે મૃતક બાળકના પિતાએ હાલમાં બાઈક ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
મોરબીમાં મહેન્દ્રનગર ગામ પાસે આવેલ ઇન્દિરાનગર વિસ્તારમાં શિવમ હોસ્પિટલની પાછળ ધર્મનગરમાં રહેતા સબીરભાઈ ઉમેદભાઈ મુલ્લ (33)એ હાલમાં બાઈક નંબર જીજે 06 એચએન 5745 ના ચાલક સામે બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે તેઓનો 12 વર્ષનો દીકરો રિયાઝ મુલ્લ તેઓના ઘર પાસે જાહેર રસ્તા ઉપર હતો ત્યારે બાઈક ચાલકે તેને હડફેટે લેતા અકસ્માતનો બનાવ બન્યો હતો જે બનાવમાં ફરિયાદી નો દીકરો ફેંકાઈ જતા રસ્તા ઉપર નીચે પડી ગયો હતો અને તેને શરીરે ગંભીર ઇજાઓ થઈ હતી અને રિયાઝનું મોત નીપજ્યું હતું જેથી આ બનાવ સંદર્ભે હાલમાં મૃતક બાળકના પિતાએ નોંધાવેલ ફરિયાદ આધારે પોલીસે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે.
