વાંકાનેરના અગાભી પીપળીયા ગામે વાડીએ પાણીની કુંડીમાં ડૂબી જવાથી દોઢ વર્ષની બાળકીનું મોત

વાંકાનેર તાલુકાના અગાભી પીપળીયા ગામની સીમમાં વાડીએ રહીને મજૂરી કામ કરતા પરિવારના બાળકો પાણીની કુંડી પાસે રમતા હતા ત્યારે પાણી ભરેલી કુંડીમાં દોઢ વર્ષની બાળકી પડી ગઈ હતી જેથી પાણીમાં ડૂબી જવાના કારણે તે બાળકીનું મોત નીપજયું હતું ત્યારબાદ તેના મૃતદેહને પીએમ માટે હોસ્પિટલે લઈ ગયા હતા અને આ બનાવની બાળકીના પિતાએ વાંકાનેર તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ એમપીના રહેવાસી અને હાલમાં વાંકાનેર તાલુકાના અગામી પીપળીયા ગામની સીમમાં છગનભાઈ શામજીભાઈ કાંજીયાની વાડીએ રહીને મજૂરી કામ કરતા કમલભાઈ જામસીંગભાઇ ગુડિયાની દોઢ વર્ષની દીકરી નૈયા તેના ભાઈ બહેન સાથે વાડીની ઓરડી પાસે પાણીની કુંડી નજીક રમતી હતી અને ત્યારે ત્યાં રમતા રમતા પાણી ભરેલી કુંડીમાં તે પડી ગઈ હતી જેથી કરીને પાણીમાં ડૂબી જવાના કારણે દોઢ વર્ષની બાળકીનું ઘટના સ્થળે જ મોત નીપજયું હતું ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઈને આવ્યા હતા અને આ બનાવની મૃતક બાળકીના પિતા દ્વારા વાંકાનેર તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ કરી હતી.