મોરબીના રવાપર ગામે પાદરમાં ઈલેક્ટ્રીક શોટ લાગતાં યુવાનનું મોત: અજાણ્યા વૃદ્ધનું બીમારીની સારવાર દરમ્યાન મોત

મોરબીના આલાપ રોડ ઉપર આવેલ શિવસૃષ્ટિ એપાર્ટમેન્ટમાં રહેતા યુવાનને રવાપર ગામના પાદર પાસે ઈલેક્ટ્રીક શોટ લાગી ગયો હતો જેથી તેને તાત્કાલિક સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં સારવાર દરમિયાન તે યુવાનનું મોત નીપજયું હતું જેથી આ બનાવની હોસ્પિટલ મારફતે મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મોરબીના આલાપ રોડ ઉપર આવેલ શિવ સૃષ્ટિ એપાર્ટમેન્ટમાં રહેતા પાર્થ બળવંતભાઈ ભાડજા (20) નામના યુવાનને મોરબીના રવાપર ગામના પાદર પાસે ઈલેક્ટ્રીક શૉટ લાગી ગયો હતો જેથી કરીને તેને સારવાર માટે મોરબીના સનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાં ચાલુ સારવાર દરમિયાન તે યુવાનનું મોત નિપજ્યું હતું જેથી હોસ્પિટલ મારફતે આ બનાવની મોરબી એ ડિવિઝન પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે

અજાણ્યા વૃદ્ધનું મોત

મોરબીમાં સનાળા રોડ ઉપર આવેલ ભક્તિનગર બ્રિજ નીચે કોઈ અજાણ્યો 65 વર્ષના વૃદ્ધ બીમાર હોવાથી ગત તા.30/3 ના રોજ તેને 108 મારફતે સારવાર માટે મોરબી સિવિલ હોસ્પિટલ ખાતે લઈને આવ્યા હતા અને ત્યાં ચાલુ સારવાર દરમિયાન તેનું મોત નીપજયું હતું જેથી આ બનાવની હોસ્પિટલ મારફતે મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને મૃતક વૃદ્ધની ઓળખ મેળવવા માટે પોલીસ દ્વારા તજવીજ હાથ ધરવામાં આવી છે