વાંકાનેરના ભેરડા ગામે ખનીજ માફિયા ઉપર પોલીસની ધોંસ: 1.70 કરોડનો મુદામાલ કબ્જે
SHARE
JOIN OUR GROUP
વાંકાનેરના ભેરડા ગામે ખનીજ માફિયા ઉપર પોલીસની ધોંસ: 1.70 કરોડનો મુદામાલ કબ્જે
વાંકાનેરના ભેરડા ગામની સીમમાં સ્થાનિક પોલીસ દ્વારા ખનીજ માફિયા ઉપર સ્થાનિક પોલીસે ધોંસ બોલાવી છે અને ભેરડા ગામની સીમમાં ગેરકાયદેસર ખનીજ ચોરી કરવામાં આવી રહી હતી ત્યાં સ્થળ ઉપરથી 4 ડમ્પર અને એક અસ્કેવોર મશીન આમ કુલ મળીને 1.70 કરોડ રૂપિયાની કિંમતનો મુદ્દામાલ કબજે કરવામાં આવ્યો છે અને પોલીસ દ્વારા આગળની રાબેતા મુજબની કાર્યવાહી હાથ ધરવામાં આવી છે
વાંકાનેર તાલુકો જાણે કે ખનીજ ચોરો માટે સ્વર્ગ સમાન હોય તે રીતે જુદા જુદા વિસ્તારોમાંથી રાત દિવસ ખનીજની ચોરી કરવામાં આવતી હોય છે તેવામાં થોડા સમય પહેલા વાંકાનેર તાલુકા પોલીસની ટીમ દ્વારા રેડ કરીને 4.10 કરોડ રૂપિયાની કિંમતનો મુદ્દામાલ કબજે કરવામાં આવ્યો છે અને ત્યારબાદ રાજકોટના રેન્જ આઇજી નિર્લિપ્ત રાયની સૂચના મુજબ મોરબી જિલ્લાના એસપી મુકેશકુમાર પટેલ તથા ડીવાયએસપી એસ.એચ.સારડાના માર્ગદર્શન હેઠળ વાંકાનેર તાલુકા પોલીસની ટિમ દ્વારા ખનીજ ચોરો ઉપર ધોંસ બોલાવવામાં આવી રહી છે અને વાંકાનેર તાલુકા પોલીસની ટીમને પેટ્રોલિંગમાં હતી ત્યારે ભેરડા ગામની સીમમાં રેડ કરવામાં આવી હતી ત્યારે સ્થળ ઉપર રોયલ્ટી કે પાસ પરમિટ વગર ગેરકાયદેસર ખનીજ ચોર કરતાં વાહનો મળી આવતા પોલીસ દ્વારા કાયદેસરની કાર્યવાહી કરી હતી અને ત્યારે ખાણ ખનીજ વિભાગની ટીમને પણ સાથે રાખવામાં આવી હતી અને આ રેડ કરવામાં આવી હતી ત્યારે ત્યાં સ્થળ ઉપરથી ડમ્પર નંબર જીજે 36 વી 9695, ડમ્પર નંબર જીજે 13 એડબલ્યુ 8146, ડમ્પર નંબર જીજે 3 સિયું 0100, ડમ્પર નંબર જીજે 36 એક્સ 6009 તથા અસ્કેવોર મશીન આમ કુલ મળીને 1.70 કરોડ રૂપિયાની કિંમતના મુદ્દામાલને સ્થળ ઉપરથી કબજે કરવામાં આવ્યો હતો અને આગળની રાબેતા મુજબની કાર્યવાહી તાલુકા પોલીસ દ્વારા હાથ ધરવામાં આવી છે
