મોરબીમાં જૂની અદાવતનું મનદુખ રાખીને યુવાન ઉપર પાંચ શખ્સોનો હુમલો: છરી-ધોકા વડે મારમાર્યો
Morbi Today
હળવદના સુંદરગઢ અને કડિયાણા વચ્ચે રોંગ સાઈડમાં આવેલા ટ્રક ટ્રેલરના ચાલકે બાઇકને હડફેટે લેતા આધેડને ગંભીર ઇજા
SHARE
JOIN OUR GROUP
હળવદના સુંદરગઢ અને કડિયાણા વચ્ચે રોંગ સાઈડમાં આવેલા ટ્રક ટ્રેલરના ચાલકે બાઇકને હડફેટે લેતા આધેડને ગંભીર ઇજા
હળવદના સુંદરગઢથી કડિયાણા ગામ તરફ જવાના રસ્તા ઉપર આવેલ પેપર મિલના ગેટ પાસેથી આધેડ બાઇક લઈને પસાર થઈ રહ્યો હતો ત્યારે રોંગ સાઈડમાં ટ્રક ટ્રેલર લઈને આવી રહેલા વાહન ચાલકે બાઈકને હડફેટે લેતા અકસ્માત થયો હતો જે બનાવમાં આધેડને માથા, નાક અને શરીરે ગંભીર ઈજા થઇ હોવાથી તેને સારવાર માટે હોસ્પિટલે લઇ ગયા હતા અને સારવાર લીધા બાદ આધેડે નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે
હળવદના નવી સિરોઇ ગામે રહેતા મેરૂભાઈ અમરશીભાઈ પંચાસરા (50)એ ટ્રક ટ્રેલર નંબર જીજે 12 બીએક્સ 0997 ના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે હળવદ તાલુકાના સુંદરગઢ થી કડીયાણા ગામ વચ્ચે આવેલ નીયોની પેપર મીલના ગેટ પાસેથી તેઓ પોતાનું બાઈક નંબર જીજે 36 પી 0398 લઈને પસાર થઈ રહ્યા હતા ત્યારે ટ્રક ટ્રેલરનો ચાલક પોતાનું વાહન રોંગ સાઈડમાં લઈને સામેથી આવી રહ્યો હતો અને તેણે ફરિયાદીના બાઇકને હડફેટે લીધું હતું જેથી આધેડને માથા, નાક અને જમણા હાથમાં ગંભીર ઇજા થઈ હતી જેથી તેણે સારવાર માટે હોસ્પિટલે લઈ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે ટ્રક ટ્રેલરના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
મારા મારીમાં ઇજા
મોરબીના નાનીવાવડી ગામે રહેતા નિખીલભાઈ અશોકભાઈ વામજા (19) નામના યુવાનને સમજુબા સ્કૂલ પાસે મારામારીના બનાવમાં ઈજા થઈ હતી જેથી ઇજા પામેલા યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને પૈસાની લેતી દેતી બાબતે મારામારી થઈ હોવાનું પોલીસ પાસેથી જાણવા મળી રહ્યું છે.
