માળીયા (મી)ના કાજરડા ગામે ઈંડા-મુરઘીની દુકાન ધરાવતા યુવાન ઉપર 4 શખ્સોએ કર્યો છરી-ધોકા વડે હુમલો

માળીયા (મી)ના કાજરડા ગામે રહેતા યુવાનને ઈંડા અને મુરઘીની દુકાન હોય જે બાબતનો ખાર રાખીને સામેવાળાઓએ તેની સાથે બોલાચલી કરીને ઝપાઝપી કરી હતી તેમજ ગાળો આપીને છરી અને ધોકા વડે હુમલો કરીને મારમાર્યો હતો જેથી ઈજા પામેલ યુવાનને સારવાર માટે લઈ ગયા હતા અને ત્યારબાદ તેને નોંધાવેલ ફરિયાદ આધારે પોલીસે 4 શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે

માળીયા (મી)ના કાજરડા ગામે રહેતા અને ઈંડા તેમજ મુરઘીની દુકાન ધરાવતા મહેબૂબભાઈ મુસાભાઇ કાજેડીયા (37)એ માળિયા મીયાણા તાલુકા પોલીસ સ્ટેશન ખાતે મોસીન નુરાલી મોવર, ફારૂક નુરાલી મોવર, વલીમોહમદ નુરાલી મોવર રહે. ત્રણેય માળિયા મીયાણા અને એક અજાણ્યો શખ્સ આમ કુલ મળીને ચાર વ્યક્તિઓ સામે ફરિયાદ નોંધાવી છે જેમાં તેણે જણાવ્યું છે કે તેને ઈંડા અને મુરઘીની દુકાન છે જે આરોપીઓને ગમતું ન હતું જે બાબતનો ખાર રાખીને ફરિયાદી સાથે બોલોચલી કરીને ગાળો આપી હતી અને ઝપાઝપી કરીને આરોપી મોસીન મોવરે તેની પાસે રહેલ છરી વડે ફરિયાદીને ડાબા હાથની હથેળીમાં ઈજા કરી હતી જ્યારે ફારૂક અને વલીમહમદે ફરિયાદી સાથે બોલોચાલી કરી હતી જ્યારે અજાણ્યા શખ્સે ધોકા વડે મારમારીને ફરિયાદીને ઇજા કરી હતી જેથી ઇજા પામેલ હાલતમાં યુવાનને સારવાર માટે હોસ્પિટલે લઇ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે 4 શખ્સોની સામે ગુનો નોંધી આરોપીઓને પકડવા માટે તજવીજ શરૂ કરેલ છે.