હળવદના માનસર પાસે અજાણ્યા વાહન ચાલકે હડફેટે લેતા માથું છૂંદાઈ જવાથી શ્રમિક યુવાનનું મોત

મોરબી હળવદ રોડ ઉપર આવેલ માનસર ગામ પાસે યુવાનને અજાણ્યા વાહન ચાલકે હડફેટે લેતા અકસ્માતનો બનાવ બન્યો હતો જે બનાવમાં યુવાનની પાસળી ભાંગી જવાથી અને માથુ છૂંદાઈ જવાથી તેનું મોત નીપજયું હતું આ બનાવ સંદર્ભ મૃતક યુવાનના સાળાએ ફરિયાદ નોંધાવી છે જેના આધારે પોલીસે અજાણ્યા વાહન ચાલક સામે ગુનો નોધી આરોપીને પકડવા માટે તજવીજ  શરૂ કરેલ છે

મૂળ ઝારખંડના રહેવાસી અને હાલમાં હળવદ તાલુકાના મેરૂપર ગામના પાટીયા પાસે રામદેવ હોટલ ખાતે રહેતા બીજલીસિંહ કિશોરસિંહ (56)એ અજાણ્યા વાહન ચાલક સામે હળવદ તાલુકા પોલીસ સ્ટેશનમાં ફરિયાદ નોંધાવી છે જેમાં જણાવ્યું છે કે મોરબી હળવદ હાઇવે રોડ ઉપર આવેલ માનસર ગામ પહેલા તેઓના બનેવી મકસુદનસિંગ (41)ને કોઈ અજાણ્યા વાહન ચાલકે હડફેટે લઈને અકસ્માત કર્યો હતો જે બનાવમાં મકસુદનસિંગના છાતીના ભાગ ઉપરથી અજાણ્યા વાહનના ટાયર ફરી જવાના કારણે પાસળી ભાંગી ગઈ હતી અને માથુ છુંદાઈ ગયું હતું જેથી ગંભીર ઇજા થવાથી યુવાનનું મોત નીપજયું હતું જે બનાવ સંદર્ભે મૃતક યુવાનના સાળાએ નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે વધુમાં મળતી માહિતી મુજબ મૃતક યુવાન હાલમાં જે ખાનગી કંપનીની વિજલાઇન માટે વીજ પોલ ઊભા કરવાની કામગીરી કરવામાં આવી રહી છે તેમાં કામ કરીને પોતાના પરિવારનું ગુજરાન ચલાવતો હતો.