મોરબીના ઝીકિયારી ગામ નજીક ટ્રક ચાલકે ડબલ સવારી બાઈકને હડફેટે લેતા ઇજા પામેલા બે યુવાન સારવારમાં
Morbi Today
મોરબીના શનાળા ગામ પાસે કારના સર્વિસ સ્ટેશનમાં આગ લાગતા દોડધામ
SHARE
JOIN OUR GROUP
મોરબીના શનાળા ગામ પાસે કારના સર્વિસ સ્ટેશનમાં આગ લાગતા દોડધામ
મોરબીના શનાળા ગામ પાસે રાજપર ચોકડી નજીક આવેલ ટેકઝૉ કાર સ્ટુડિયોમાં ગઈકાલે મોડી રાત્રીના સમયે કોઈ કારણોસર આગ લાગવાની ઘટના બની હતી જેથી આ બનાવની તાત્કાલિક મહાનગરપાલિકાના ફાયર વિભાગને જાણ કરવામાં આવતા ફાયરની ટીમ ઘટના સ્થળે દોડી આવી હતી અને કારના સર્વિસ સ્ટેશનની અંદર લાગેલ આગને કાબુમાં લેવા માટે થઈને પાણીનો મારો ચલાવવામાં આવેલ હતો જોકે આગે વિકરાળ રૂપ ધારણ કરી લીધું હોવાથી આગને કાબુમાં લેવા માટે થઈને મહાપાલિકાની ફાયર વિભાગની ટીમને અંદાજે પાંચેક કલાક સુધી સતત પાણીનો મારો કરવો પડ્યો હતો ત્યારબાદ કારના સર્વિસ સ્ટેશનમાં લાગેલી આગ કાબુમાં આવી હતી જો કે આગ કાબુમાં આવી ત્યાં સુધીમાં ત્યાં મોટા પ્રમાણમાં નુકસાન થયું હતું અને આસપાસના વિસ્તારમાં રહેણાંક મકાનો હોવાના કારણે લોકોના જીવ તાળવે ચોટ્યા હતા અત્રે ઉલ્લેખની છે કે કાર સર્વિસ સ્ટેશનની અંદર મૂકવામાં આવેલી કાર પૈકી કેટલીક કારોમાં ડીઝલ ટેન્કની અંદર ડીઝલ ભરેલું હોવાના કારણે બ્લાસ્ટ થવાની પણ શક્યતા હતી જેથી ફાયર વિભાગની ટીમ દ્વારા ઓછામાં ઓછું નુકસાન થાય તે રીતે આગને કંટ્રોલ કરવા માટેની કામગીરી કરવામાં આવી હતી અને આગ લાગવાની આ ઘટનામાં કોઈપણ વ્યક્તિને કોઈ ઇજા કે કોઈ જાનહાનિ થયેલ નથી તેવું ફાયર વિભાગના અધિકારી જયેશભાઈ ડાભી પાસેથી જાણવા મળેલ છે
