મોરબીના બેલા ગામ નજીક મશીનના બેલ્ટમાં હાથ આવી જતાં ઇજા પામેલા યુવાનનું મોત

મોરબીના બેલા ગામ પાસે આવેલ કારખાનામાં કામ કરતાં સમયે કોઈપણ કારણોસર મશીનના બેલ્ટની અંદર યુવાનનો હાથ ફસાઈ ગયો હતો જેથી યુવાનનો શ્વાસ રૂંધાવા લાગ્યો હતો અને ત્યારબાદ તેનું મોત નીપજયું હતું જેથી યુવાનના મૃતદેહને પીએમ માટે મોરબીની સરકારી હોસ્પિટલ ખાતે લાવ્યા હતા અને આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે

મોરબી તાલુકાના બેલા ગામની સીમમાં આવેલ રોમામાં ફેકટરીના લેબર કવાર્ટરમાં રહેતા અને મજૂરી કામ કરતા વિરલભાઈ અલાવે (35) નામના યુવાનનો મશીનના બેલ્ટમાં હાથ આવી જતા શ્વાસ રૂંધાવા લાગ્યો હતો જેથી તેનું મોત નીપજયું હતું જેથી મુકેશભાઈ બારેલા વિરલભાઈના મૃતદેહને મોરબીની સિવિલ હોસ્પિટલ ખાતે લઇને આવ્યા હતા અને ત્યાં ફરજ ઉપરના ડોક્ટરે વિરલભાઈને જોઈ તપાસીને મૃત જાહેર કર્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે અકસ્માતા મૃત્યુના બનાવની નોંધ કરી આગળની કાર્યવાહી હાથ ધરી છે