મોરબીની કોર્ટમાંથી અપહરણ, દુષ્કર્મ અને પોકસોના ગુનામાં આરોપીનો નિર્દોષ છુટકારો

ટંકારા પોલીસ સ્ટેશનમાં નોંધાયેલ સગીરાના અપહરણ, દુષ્કર્મ અને પોકસોના ગુનામાં પકડાયેલ આરોપી સામેનો કેસ મોરબીની કોર્ટમાં ચાલી ગયો હતો જેમાં આરોપીના વકીલે કરેલી દલીલોને ધ્યાને રાખીને કોર્ટે આરોપીને નિર્દોષ છોડી મુકવા હુકમ કરેલ છે

આ કેશની હકીકત એવી છે કે, આરોપી ગુડુભાઇ ઠકુરસિંગ મોહનીયા, રહે. માતા ફળીયા, અરળીગામ (એમપી) વાળા સામે ફરીયાદીની સગીર વયની ભોગબનનાર દિકરીને ફરીયાદીના કાયદેશરના વાલીપણામાંથી લલચાવી ફોસલાવી લગ્ન કરવાની લાલચ આપી બદકામ કરવાના ઇરાદે અપહરણ કરી લઇ જઇને ભોગબનનારને અગલ અલગ જ્ગ્યાએ રાખી તેની સાથે વારવાર શરીરસંબંધ બાધી પ્રવેશ્ય જાતિય હુમલો કરવાનો ગુન્નો ટંકારા પોલીસ સ્ટેશનમાં વર્ષ 2019 માં નોંધાયેલ હતો. આ અંગેનો કેસ મોરબીના સ્પે.પોક્સો જજ સાહેબની કોર્ટમાં ચાલી જતા નામદાર કોર્ટે આરોપીના વકીલની ધારદાર દલીલો ગ્રાહ્ય રાખી આરોપીને નિર્દોષ છોડી મુકવા હુકમ કરેલ છે આ કામમાં આરોપી વતી સનીયર વકીલ બી.બી. હડીયલ રોકાયેલ હતા.