વાંકાનેરના પાજ ગામે મૈત્રી કરાર કરીને રહેતી મહિલાના કાકા અને કાકાના બે દીકરાઓએ યુવાનના પિતા ઉપર કર્યો પાઇપ વડે હુમલો

વાંકાનેરના પાજ ગામે મૈત્રી કરાર કરીને રહેતી મહિલાના કાકા અને કાકાના બે દીકરાઓએ મહિલાએ જેની સાથે મૈત્રી કરાર કરેલ છે તે વ્યક્તિના પિતા સહિત બે લોકોને પાઇપ વડે માર માર્યો હતો અને જાનથી મારી નાખવાની ધમકી આપેલ છે જેથી ઇજા પામેલા લોકોને સારવાર માટે લઈ ગયા હતા અને ત્યાર બાદ મૈત્રી કરાર કરનાર મહિલાએ તેના કાકા અને કાકાના બે દીકરાની સામે વાંકાનેર સિટી પોલીસ સ્ટેશન ખાતે ફરિયાદ નોંધાવેલ છે.

મૂળ વાંકાનેરના લાલપર ગામના રહેવાસી અને હાલમાં પાજ ગામે રહેતા અજીજાબેન ફારુકભાઈ સંધિ (36)એ વાંકાનેર સિટી પોલીસ સ્ટેશન ખાતે સલીમભાઈ બલોચ, આસિફ સલીમભાઈ બલોચ, અને અબરાર સલીમભાઈ બલોચ રહે. બધા લાલપર વાળા સામે ફરિયાદ નોંધાવેલ છે જેમાં તેને જણાવ્યું છે કે, તેઓએ પોતાના પતિથી અલગ મુરાદખાનના દિકરા નાસિર સાથે મૈત્રી કરાર કરી રહે છે અને મુરાદખાન તેમજ તેનો પૌત્ર નવાજ બંને મુરાદખાનની દીકરીની લાલપર પાસે હોટલ આવેલ છે ત્યાં બેઠા હતા ત્યારે ફરિયાદીના કાકા સલિમભાઈ અને તેના બે દીકરા ત્યાં લોખંડના પાઇપ સાથે આવ્યા હતા અને મુરાદખાન અને તેના પૌત્ર ઉપર હુમલો કર્યો હતો અને ત્યારે મુરાદખાનને હાથે અને પગે લોખંડ પાઈપથી માર માર્યો હતો. જેથી મુરાદખાનને બંને હાથ પગે ઇજા થઈ હતી તેમજ નવાજને પણ હાથે, પગે અને ડોકના ભાગે ઇજા થઈ હતી અને બંનેને જાનથી મારી નાખવાની ધમકી આપી હતી જેથી બંને ઇજાગ્રસ્તોને સારવાર માટે લઈ ગયા હતા અને  આ બનાવ સંદર્ભે મહિલાએ નોંધાવેલ ફરિયાદ આધારે પોલીસે ત્રણ શખ્સો સામે ગુનો નોંધીને આરોપીઓને પકડવા માટે તજવીજ શરૂ કરેલ છે.