મોરબીના ખેવારીયા ગામે ઝેરી દવા પી ગયેલ બીજી સગીરાનું પણ સારવારમાં મોત મોરબી નજીક કારખાનામાં લેબર ક્વાર્ટરની સીડી ઉપરથી નીચે પટકાતા ઈજા પામેલ 4 વર્ષની બાળકીનું મોત, વેગડવાવ ગામે વાડીએ ઝેરી દવા પી ગયેલ મહિલાનું સારવારમાં મોત મોરબીના નવા જાંબુડીયા ગામ પાસે તળાવમાં ડૂબી જવાથી અજાણ્યા યુવાનો મોત, ત્રિકોણબાગના પાર્કિગમાં આંચકી આવતા સારવારમાં ખસેડેલા અજાણ્યા આધેડનું મોત મોરબીમાં આજે દિવાળી: મચ્છુ નદીના કાંઠે BAPS સ્વામિનારાયણ મંદિરમાં મહંત સ્વામી મહારાજની હાજરીમાં અક્ષરપુરુષોત્તમ મહારાજ સહિત 17 મૂર્તિઓની પ્રાણ પ્રતિષ્ઠા મોરબીના પરશુરામ યુવા ગ્રૂપ દ્વારા કાલે શરદપૂર્ણિમા નિમિતે રાસોત્સવનું આયોજન મોરબીની નાલંદા વિદ્યાલય ખાતે ડૉ. ચિન્મય ત્રિવેદી દ્વારા ઓર્થોપેડિક્સ-હાડકાંના સ્વાસ્થ્ય અંગે માર્ગદર્શન સેમિનાર યોજાયો મોરબીમાં નિવૃત્ત સરકારી કર્મચારીઓ માટે સાયબર સેફટી બાબતે ડીવાયએસપીની હાજરીમાં વિશેષ કાર્યક્રમ યોજાયો મોરબીના સિરામિક એસો.ના પ્રમુખો તેમજ ઉદ્યોગકારોએ કર્યું રાજ્ય મંત્રી કાંતિભાઈ અમૃતિયાનું સન્માન

Breaking news

Morbi Today

માળીયા (મી)ના નાના દહીસરા ગામે મંદિરમાંથી ચાંદીના છતરની ચોરી કરનાર રીઢો ચોર પકડાયો: બીજા 4 મંદિરની ચોરીનો ભેદ ઉકેલાયો

01-06-2026 06:40 PM

માળીયા (મી)ના નાના દહીસરા ગામે મંદિરમાંથી ચાંદીના છતરની ચોરી કરનાર રીઢો ચોર પકડાયો: બીજા 4 મંદિરની ચોરીનો ભેદ ઉકેલાયો

માળીયા (મી)ના જુના નાના દહીસરા ગામે આવેલ મહાકાળી માતાજીના મંદિરને તસ્કરે નિશાન બનાવ્યું હતું અને ત્યાં માતાજી ઉપર રાખવામાં આવેલા ચાંદીના નાના મોટા 13 છતરની ચોરી કરવામાં આવી હતી જેથી 40 હજારના ચાંદીની ચોરી થઈ હોવાની માળિયા તાલુકા પોલીસ સ્ટેશન ખાતે ફરિયાદ નોંધાઇ હતી જે ગુનામાં મોરબી જિલ્લા એલસીબીની ટીમે જુના નાના દહીસરા સહિત જીલ્લામાં પાંચ મંદિરમાં ચોરી કરનારા રીઢા ચોરીને પકડી પડેલ છે અને તેની પાસેથી 87 હજારનો મુદામાલ કબ્જે કરેલ છે.

માળીયા (મી)ના જુના નાના દહીસરા ગામે રહેતા ગજેન્દ્રભાઈ પ્રવીણભાઈ ભાડજા (36)એ અજાણ્યા શખ્સની સામે માળિયા તાલુકા પોલીસ સ્ટેશન ખાતે ચોરીની ફરિયાદ કરી હતી જેમાં જણાવ્યુ હતું કે, જૂના નાના દહીસરા ગામે મહાકાળી માતાજીના મંદિરે માતાજીનાં દર્શન કરવાના બહાને આવેલા શખ્સે મંદિરને નિશાન બનાવ્યું હતું અને ત્યાં માતાજી ઉપર ચઢાવવામાં આવેલા ચાંદીના નાના-મોટા કુલ 13 છતર જેનો કુલ વજન 400 ગ્રામ થાય છે તેની ચોરી કરી હતી જેથી 40,000 ની કિંમતના ચાંદીની ચોરી થઈ હોવાનો પોલીસે ગુનો નોંધીને આરોપીને પકડવા માટે તજવીજ શરૂ કરી હતી તેવામાં એલસીબીની ટીમને બાતમી મળી હતી જેથી મોરબીની રવિરાજ ચોકડી પાસે વોચમાં રાખી હતી તેવામાં મળેલ બાતમી મુજબનું બાઇક નંબર જીજે 36 એક્યું 4125 લઈ એક શખ્સ નીકળ્યો હતો જેને રોકીને પૂછપરછ કરતાં તેનું નામ કિશન સુરેશભાઈ જાની (26) રહે. રવાપર ગામ બોની પાર્ક મોરબી વાળો હોવાનું સામે આવ્યું હતું અને તેની પાસેથી ચાંદીના નાના મોટા 5 છતર જેનું કિંમત 10 હજાર રૂપિયા અને રોકડ રૂપિયા 32 હજાર તેમજ 40 હજારનું બાઇક અને 5 હજારનો એક મોબાઈલ ફોન આમ કુલ મળીને 87 હજારનો મુદામાલ કબજે કર્યો હતો અને આરોપીની વધુ પૂછપરછ કરવામાં આવતા તેના ઉપર દેવું વધી ગયું હોવાનું તેણે જુદાજુદા મંદિરમાં દર્શન કરવાના બહાને જઈને ચોરીઓ કરી હોવાનું કબૂલાત આપી હતી અને આ શખ્સે અગાઉ લુંટાવદર ગામે મોમાઈ માતાજીના મંદિરમાંથી એક સોનાનું અને એક ચાંદીનું છતર ચોરી કર્યું હતું. તેવી જ રીતે હળવદમાં બસ સ્ટેન્ડ પાસે મેલડી માતાજીના મંદિરમાંથી ચાંદીના છતર અને હળવદમાં લક્ષ્મીનારાયણ ચોકમાં મામાદેવના મંદિરમાંથી ચાંદીના દસથી અગિયાર છતરની ચોરી કરી હતી અને મોરબીના ઘૂટું અને માંડલ ગામ વચ્ચે ખોડીયાર માતાજી મંદિરમાંથી સોના અને ચાંદીના છતર ચોરી કરી હતી આમ મોરબી જિલ્લા એલસીબીના પીઆઇ આર.સી.ગોહિલની સૂચના મુજબ સ્ટાફ દ્વારા કામગીરી કરીને જીલ્લામાં પાંચ મંદિરમાં થયેલ ચોરીના ગુનાનો ભેદ ઉકેલાયેલ છે.