મોરબી જીલ્લાના બધા જ સેન્ટરો ઉપર કોરોના વેકસીનનો પૂરતો જથ્થો આપવા માંગ
Morbi Today
મોરબીના જાંબુડીયામાંથી મળી આવેલ બાળકને પરિવારને સુપ્રત કરાયું
SHARE
JOIN OUR GROUP
મોરબીના જાંબુડીયામાંથી મળી આવેલ બાળકને પરિવારને સુપ્રત કરાયું
મોરબી-વાંકાનેર હાઇવે ઉપર આવેલ જાંબુડીયા ગામેથી આશરે દસેક વર્ષનો બાળક એકલી હાલતમાં મળી આવ્યું હતું જેથી કોઈએ હેલ્પલાઇનને જાણ કરતાં ચાઇલ્ડ હેલ્પલાઇન અને મોરબી તાલુકા પોલીસ દ્વારા બાળકના પરિવારને શોધીને તે બાળક તેમને સુપ્રત કરવામાં આવ્યો હતો.
જાણવા મળતી વિગતો મુજબ અમદાવાદ સ્ટેટ કંટ્રોલમાં કરવામાં આવેલા ફોનને આધારે મોરબી ચાઇલ્ડ હેલ્પલાઇન તેમજ મોરબી તાલુકા પોલીસ હરકતમાં આવી હતી અને મોરબીના વાંકાનેર હાઇવે ઉપર જાંબુડીયા ગામ પાસેથી મળી આવેલા આશરે દસેક વર્ષના બાળકને તેના વાલીવારસ સુધી પહોંચાડવા તજવીજ શરૂ કરી હતી. પ્રથમ તો મળી આવેલા બાળકે પોતાના પિતા દારૂ પી ને માર મારતા હોય અને ચારેક દિવસથી પોતે ઘરેથી નીકળી ગયો છે તેમ હેલ્પલાઇનના સ્ટાફને જણાવ્યું હતું. બાદમાં હેલ્પલાઇન સ્ટાફ અને પોલીસે તેના પરિવારની તપાસ કરતા તે બાળકનું નામ સાગર ભોળાભાઈ સલાટ ૧૦ વર્ષ હોવાનું ખુલ્યું હતું અને તે પોતાની રીતે જ તેના મોટા બહેન જાંબુડીયા રહેતા હોય તેને ત્યાં કહ્યા વગર આવી ગયો હતો.જો કે પરિવારમાં તપાસ કરતાં તેના પિતાએ તેને માર ન માર્યો હોવાનું અને અવારનવાર આ બાળક ઘરેથી નીકળી જતો હોવાનું ખૂલ્યુ હતુ..! મોરબી તાલુકા પોલીસ મથકના પીએસઓ ડી.એન.દવે તેમજ હેલ્પલાઇનના સ્ટાફ દ્વારા સાગરને તેના પરિવાર (મોટા બહેન) ને સુપ્રત કરવા માટેની કામગીરી કરી હતી.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
