મોરબી અને હળવદમાં જુગારની જુદીજુદી 2 રેડમાં 6 શખ્સ પકડાયા
SHARE
JOIN OUR GROUP
મોરબી અને હળવદમાં જુગારની જુદીજુદી 2 રેડમાં 6 શખ્સ પકડાયા
મોરબીના વાલ્મીકીવાસ વિસ્તાર તથા હળવદના પંચમુખી ઢોરો વિસ્તારમાં જુગારની જુદી જુદી બે રેડ કરવામાં આવી હતી ત્યારે કુલ મળીને 6 શખ્સો જુગાર રમતા મળી આવ્યા હતા જેથી પોલીસે તેની ધરપકડ કરી હતી અને કુલ મળીને 16,850 ની રોકડ કબજે કરી હતી અને સ્થાનિક પોલીસ સ્ટેશનમાં જુગારના ગુના નોંધી રાબેતા મુજબની કાર્યવાહી હાથ ધરી હતી
મોરબીના વાલ્મિકીવાસ શેરી નં 7 માં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે દિનેશભાઈ લાભુભાઈ વાઘેલા (63), શ્યામભાઈ ભુપતભાઈ સોલંકી (50) અને સુજલભાઈ શૈલેષભાઈ ઝાલા (19) રહે. બધા વાલ્મિકીવાસ મોરબી વાળા જુગાર રમતા મળી આવ્યા હોય પોલીસે 12,500 ની રોકડ સાથે તેની ધરપકડ કરી હતી અને એ ડિવિઝન પોલીસ સ્ટેશન ખાતે ગુનો નોંધાયો છે જ્યારે હળવદ પોલીસ દ્વારા પંચમુખી ઢોરો વિસ્તારમાં જાહેરમાં જુગારની રેડ કરવામાં આવી હતી ત્યારે સ્થળ ઉપરથી વિનોદભાઈ સાદુરભાઈ સુરેલા (54), ભરતભાઈ બળદેવભાઈ વિંછીયા (41) અને ઝાલાભાઇ હિન્દુભાઈ જાદવ (30) રહે. બધા પંચમુખી ઢોરો વિસ્તાર હળવદ વાળા જુગાર રમતા મળી આવ્યા હોય પોલીસે તેની પાસેથી 4,350 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે ગુનો નોંધાયો છે
