મોરબી શહેર, માળીયાના જૂના દેવગઢ અને વાંકાનેરના કોટડાનાયાણી ગામે જુગારની 4 રેડમાં 3  મહિલા સહિત કુલ 24 પકડાયા

મોરબીના મહેન્દ્રપરામાં વાડામાં, કબીર ટેકરીમાં મંદિર પાસે, માળીયાના જુના દેવગઢ ગામે અને વાંકાનેરના કોટડાનાયાણી ગામે જુગારની જુદીજુદી 4 રેડ કરવામાં આવી હતી ત્યારે સ્થળ ઉપરથી 3 મહિલા સહિત કુલ 24 લોકોને જુગાર રમતા પકડવામાં આવેલ છે અને સ્થાનિક પોલીસ સ્ટેશનમાં ગુના નોંધીને આગળની કાર્યવાહી કરવામાં આવેલ છે.

મોરબીના મહેન્દ્રપરા શેરી નં. 10-11 ની વચ્ચે વાડામાં જુગારની રેડ કરવામાં આવી હતી ત્યારે ત્યાં સ્થળ ઉપરથી પરેશભાઈ મનહરલાલ પાટડીયા (47) રહે. મહેન્દ્રપરા મોરબી, વિપુલભાઈ ખેંગારભાઇ ખીંટ (30) રહે. ભગવતી પરા મોરબી, રમેશભાઈ દેવાભાઈ લામકા (55) રહે. ભગવતી પરા મોરબી, નીતિનભાઈ નાગજીભાઈ બજાણીયા (47) રહે. જનકનગર મોરબી, ભાલુભાઈ રતાભાઇ ખીટ (45) રહે. મહેન્દ્રપરા મોરબી, કાનજીભાઈ રામજીભાઈ પરમાર (50) રહે. ગોકુલનગર મોરબી, રવિભાઈ દેવાભાઈ રાઠોડ (30) રહે. ભગવતી પરા મોરબી અને આર્યનભાઈ ભાલુભાઈ ખીટ (20) રહે. મહેન્દ્રપરા મોરબી વાળા જુગાર રમતા મળી આવ્યા હોય પોલીસે તેની પાસેથી 47,990 રૂપિયા રોકડા તથા 58,500ની કિંમતના સાત મોબાઈલ ફોન આમ કુલ મળીને 1,06,490 ની કિંમતનો મુદ્દામાલ કબજે કર્યો હતો અને એ ડિવિઝન પોલીસ સ્ટેશન ખાતે જુગારનો ગુનો નોંધાયો છે

મોરબીમાં કબીર ટેકરી રામાપીરના મંદિર પાસે જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી વિશાલભાઈ ધીરજભાઈ અગેચાણીયા (22), શીવાભાઈ વીરજીભાઈ ડોડીયા (25), જયેશભાઈ શામજીભાઈ અગેચાણીયા (21), યોગેશભાઈ મગનભાઈ વાઘાણી (30), અલ્પાબેન મનસુખભાઈ લાલવાણી (40), ભાવનાબેન ઉર્ફે ભાવલી બાબુભાઈ અબાસણીયા (45) અને સુનીતાબેન નીતિનભાઈ અગેચણીયા (35) રહે. બધા મોરબી વાળા જુગાર રમતા મળી આવ્યા હોય પોલીસે 14,700 ની રોકડ સાથે તેની ધરપકડ કરી હતી અને એ ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરેલ છે.

માળીયા મીયાણા તાલુકાના જુના દેવગઢ ગામમાં મોમાઈ માતાજીના મંદિર પાસે જાહેરમાં જુગારની રેડ કરી હતી ત્યારે સ્થળ ઉપરથી મેઘાભાઈ લાભુભાઈ પીપળીયા (20) રહે. બગસરા, ગણેશભાઈ વજાભાઈ સુરાણી (35) રહે. બુટાવાડા, મુન્નાભાઈ ગગજીભાઈ રાઠોડ (24) રહે. જીંજુડા, અશોકભાઈ રૂપાભાઈ ધોળકિયા (30) રહે. જુના દેવગઢ અને રોહિતભાઈ ગોગાભાઈ પીપળીયા (19) રહે. બગસરા વાળા જુગાર રમતા મળી આવ્યા હોય પોલીસે તેની પાસેથી 6,700 ની રોકડ કબજે કરી હતી અને માળિયા તાલુકામાં ગુનો નોંધાયો છે. તો વાંકાનેરના કોટડાનાયાણી ગામે દેવીપુજકવાસમાં જાહેરમાં જુગારની રેડ કરી હતી ત્યારે સ્થળ ઉપરથી સલીમભાઈ આમદભાઈ ઠેબા (62), સત્તાભાઈ કડવાભાઈ વરુ (48), મનસુખભાઈ જકશીભાઈ સોલંકી (45) અને પોપટભાઈ બોદુભાઇ કાતીયાર (60) રહે. બધા કોટડાનાયણી વાળા જુગાર રમતા મળી આવ્યા હોય પોલીસે 6480 ની રોકડ સાથે તેની ધરપકડ કરી હતી અને વાંકાનેર તાલુકામાં ગુનો નોંધાયો છે