મોરબીના મચ્છુ-2 ડેમમાં કોહવાઈ ગયેલ હાલતમાં અજાણ્યા યુવાનની લાશ મળી

મોરબી નજીકના મચ્છુ-2 ડેમમાં કોઈ અજાણ્યો પુરુષ ડૂબી ગયો હોવાથી તેની કોહવાઈ ગયેલી હાલતમાં લાશ મળી આવી હતી જેથી આ બનાવની મોરબી તાલુકા પોલીસ સ્ટેશન ખાતે જાણ કરવામાં આવી હતી અને પાણીમાંથી યુવાનની લાશને બહાર કાઢીને પીએમ માટે હોસ્પિટલે ખસેડવામાં આવેલ છે અને આ બનાવની મોરબી તાલુકા પોલીસ સ્ટેશન ખાતે નોંધ કરી પોલીસ આગળની કાર્યવાહી હાથ કરી છે

મોરબીના જોધપર નદી ગામે રહેતા અરવિંદભાઈ જમનાદાસ રામાનંદીએ મોરબી તાલુકા પોલીસ સ્ટેશન ખાતે જાણ કરી હતી કે કોઈ અજાણ્યો 30 થી 50 વર્ષનો પુરુષ મોરબીના મચ્છુ-2 ડેમની પૂર્વ સાઇડના કિનારા પાસે પાણીમાં ડૂબી ગયેલ હાલતમાં તેની લાશ પડી છે જેથી પોલીસ ત્યાં પહોચી હતી અને પાણીમાં ડૂબી ગયેલા અજાણ્યા પુરુષની લાશને બહાર કાઢવામાં આવી હતી જો કે, લાશ કોહવાઈ ગયેલ હોવાથી મૃતક વ્યક્તિની ઓળખ મેળવી શકાય તેમ નથી જેથી પોલીસે હાલમાં અજાણ્યા યુવાનના મૃત્યુ અંગેની નોંધ કરીને મૃતદેહને પીએમ માટે હોસ્પિટલે ખસેડ્યો હતો અને મૃતક યુવાનની ઓળખ મેળવવા માટે જુદી જુદી દિશામાં તપાસ હાથ ધરી છે