મોરબી તાલુકા સેવા સદનમાં આધારકાર્ડ સેન્ટરે આજે પણ સોશ્યલ ડિસ્ટન્સના લીરેલીરા
Morbi Today
મોરબીના વીશીપરામાં થયેલ ઘરફોડ ચોરીમાં એક પકડાયો એકની શોધખોળ
SHARE
JOIN OUR GROUP
મોરબીના વીશીપરામાં થયેલ ઘરફોડ ચોરીમાં એક પકડાયો એકની શોધખોળ
મોરબીના વીશીપરામાં થયેલ ઘરફોડ ચોરીમાં હાલમાં બી ડીવીજન પોલીસે એક તસ્કરને પકડાયો છે અને એકની શોધખોળ હાથ ધરેલ છે.
મોરબીના વીશીપરામાં આવેલ ચાર ગોડાઉનની પાસે રોહીદાસપરા મેઈન રોડ ઉપર રહેતા મગનભાઈ ઘોઘાભાઈ કુરિયા જાતે કોળી (૩૮) નામના યુવાનનું ઘર ગત તા.૧૬-૬ રોજ બંધ હતું ત્યારે રાત્રિ દરમિયાન તેમના ઘરની છત ઉપરના દરવાજાની સ્ટોપર તોડીને અજાણ્યા ચોર ઇસમો ઘરમાં પ્રવેશ્યા હતા અને ઘરમાં રાખેલા લાકડાના કબાટમાંથી સાંકડા નંગ-૨ વજન આશરે ૩૧૮ ગ્રામ, ઝાંઝરી નંગ-૨ વજન આશરે ૧૧૯ ગ્રામ, પુરુષના હાથમાં પહેરવાની લક્કી વજન આશરે ૧૦૫ ગ્રામ એમ કુલ મળીને ૫૪૨ ગ્રામ ચાંદીના દાગીના જેની કિંમત રૂપિયા ૨૨ હજાર તેમજ સ્ત્રીઓને કાનમાં પહેરવાની સોનાની બુટ્ટી નંગ-૧ તેમજ નખલી નંગ-૩ વજન આશરે ૪.૯૫૦ ગ્રામ કિંમત રૂપિયા ૧૮ હજાર એમ કુલ રૂપિયા ૪૦ હજારની કિંમતના સોના-ચાંદીના દાગીનાઓની ચોરી થઇ હતી. જે દરમ્યાનમાં માળીયા ફાટકેથી પકડાયેલા ઇસમોએ પોલીસને આપેલ કેફીયત બાદ મગનભાઈ ઘોઘાભાઈ કોળીએ સીટી બી ડીવીજન પોલીસ મથક ખાતે જુસબ ઉર્ફે જુસો જાકમ નુરમામદ ભટ્ટી મીંયાણા (ઉમર ૧૯) રહે.૧-કુલીનગર વીશીપરા મોરબી તેમજ સાહીલ અલ્યાસ કટીયા રહે.વીશીપરા સામે નામ જોગ ફરિયાદ નોંધાવી હતી.તેની તપાસ બી ડિવિઝન પીએસઆઈ એમ.પી.સોનારા ચલાવી રહ્યા હોય ગઇકાલે ઉપરોકત ચોરીમાં તેઓએ જુસબ ઉર્ફે જુસો જાકમ નુરમામદ ભટ્ટી મીંયાણા (ઉમર ૧૯) રહે.૧-કુલીનગર વીશીપરા મોરબીની ધરપકડ કરેલ છે અને તેની સાથે ચોરીમાં સંડોવાયેલા સાહીલ અલ્યાસ કટીયા રહે.વીશીપરાની શોધખોળ શરૂ કરેલ છે.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
