મોરબીમાં રહેતા યુવાનની બહેને કરેલા કેસનો ખાર રાખીને બનેવીએ સાળાને પાઇપ વડે માર માર્યો

મોરબીમાં આવેલ લુહાર શેરી બાવા ઇમાનશારની દરગાર પાસે રહેતા યુવાનની બહેને તેના પતિની સામે ખાધા ખોરાકીનો કેસ કરેલ છે જે બાબતનો ખાર રાખીને તે યુવાનને તેના બનેવીએ લોખંડના પાઇપ વડે માર માર્યો હતો જેથી કરીને યુવાને તેના બનેવીની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ મોરબીમાં આવેલ લુહાર શેરી બાવા ઇમાનશારની દરગાર પાસે રહેતા શબ્બીરભાઇ ઇશાભાઇ ખુરેશી જાતે મતવા (ઉ.૪૨)એ તેના જ બનેવી હુશેનભાઇ કાસમભાઇ બીજાણી રહે. જામનગર વાળાની સામે ફરિયાદ નોંધાવી છે જેમાં તેને જણાવ્યુ છે કે, ગાંધીચોક ઇદરીશભાઇની પાનની કેબીન પાસે તેને હતો ત્યારે તેના બનેવીએ ત્યાં આવીને ફરિયાદી યુવાનની બહેને તેના પતિ સામે ખાધા ખોરાકિનો કેશ કરેલ છે જે કોર્ટમાં ચાલે છે તે બાબતેનો રોષ રાખીને બનેવીએ તેના સાળા સાથે પાછો ખેચી લેવા બોલાચાલી કરી હતી અને ગાળો આપી હતી તેમજ લોખંડના પાઇપ વતી તેને બન્ને પગમાં માર માર્યો હતો જેથી સાળાએ તેના બનેવી સામે મોરબી સિટી એ ડિવિઝન પોલીસ સ્ટેશને ફરિયાદ નોંધાવતાં પોલીસે આઇ.પી.સી કલમ ૩૨૩, ૫૦૪, તથા જી.પી. એક્ટ કલમ.૧૩૫ મુજબ ગુનો નોંધીને આરોપીને પકડવા તજવીજ શરૂ કરી છે