મોરબીની થયેલ આંગડિયા લૂંટમાં ટીપ આપનાર સહિત બે આરોપીની ધરપકડ
Morbi Today
મોરબીના રફાળેશ્વર ગામે દેશી દારૂની ભઠ્ઠી સાથે એક પકડાયો, એકની શોધખોળ
SHARE
JOIN OUR GROUP
મોરબીના રફાળેશ્વર ગામે દેશી દારૂની ભઠ્ઠી સાથે એક પકડાયો, એકની શોધખોળ
મોરબીના વાંકાનેર હાઇવે ઉપર આવેલ રફાળેશ્વર ગામે દેશી દારૂની ભઠ્ઠી ધમધમતી હોવાની બાતમીને આધારે ત્યાં રેડ કરવામાં આવતા પોલીસને ચાલુ હાલતમાં દેશી દારૂની ભઠ્ઠી મળી આવી હતી અને તેની સાથે એક ઇસમ મળી આવતા તેની ધરપકડ કરીને એક ઇસમની પોલીસે શોધખોળ હાથ ધરી છે.
જાણવા મળતી વિગતો મુજબ મોરબીના રફાળેશ્વર ગામે વેલનાથપરા વિસ્તારમાં દેશી દારૂની ભઠ્ઠી ધમધમતી હોવાની બાતમી મળી હતી જેના આધારે પોલીસે રેડ કરી હતી અને રેડ દરમિયાન પોલીસને સ્થળ ઉપરથી ચાલુ હાલતમાં દેશી દારૂની ભઠ્ઠી મળી આવી હતી.જેમાં ગેસનો ચૂલો બાટલો, બાટલો, ભઠ્ઠીના અન્ય સાધનોની સાથે ૨૪૦ લિટર દેશી દારૂ બનાવવાનો આથો અને ૬૦ લીટર તૈયાર દેશી દારૂ મળી આવતાં કુલ મળીને રૂા.૩૪૩૦ ના મુદ્દામાલ સાથે સ્થળ ઉપરથી મુકેશ જયંતિ નગવાડીયા કોળી (ઉમર ૨૩) રહે.જુના જાંબુડીયા તા.મોરબીની ધરપકડ કરવામાં આવી હતી અને રફાળેશ્વર ગામે રહેતા પરેશ બળવંત કોળીનું નામ ખુલતા તેની શોધખોળ હાથ ધરવામાં આવેલ છે.
વાહન અકસ્માતમાં ઈજા
મોરબી નજીકના રાજપર ગામે આવેલ યસ પોલીપેકમાં રહીને ત્યાં મજૂરી કામ કરતો સુરેશ રાજેન્દ્રભાઇ ચૌધરી નામનો ૨૫ વર્ષીય યુવાન ચાંચાપર રોડ ઉપરથી વાહનમાં જતો હતો ત્યાં તેને વાહન અકસ્માતના બનાવમાં ઇજાઓ થવાથી તેને સારવાર માટે અત્રેની સિવિલ હોસ્પિટલે લાવવામાં આવ્યો હતો.જ્યારે મોરબીના સામાકાંઠે આવેલ રામકૃષ્ણ સોસાયટીમાં રહેતો વિજય દેવરામભાઈ કુકાવા નામનો ૨૨ વર્ષીય યુવાન મોટરસાઇકલ લઇને રાજકોટથી મોરબી આવી રહ્યો હતો ત્યારે ગઇકાલે સાંજના છએક વાગ્યાના અરસામાં મોરબી રાજકોટ હાઇવે ઉપર આવેલ મીતાણા ગામ નજીક બાઇક સ્લીપ થઇ જતા ઇજાગ્રસ્ત વિજય કુકાવાને સારવાર માટે અહીં મોરબી ખસેડાયો હતો.
મારામારીમાં ઇજા
મોરબીના વાંકાનેર હાઇવે ઉપર રફાળેશ્વર ગામે રહેતો જગદીશ બચુભાઈ ચાવડા નામનો ૩૦ વર્ષીય યુવાન પોતાના ઘરના ફળિયામાં સૂતો હતો તે સમયે તેને મોડી રાતે માર મારવામાં આવતા તેને સિવિલે સારવારમાં ખસેડાયો હતો અને બનાવને પગલે તાલુકા પોલીસ મથકના એ.એલ.પરમારે તપાસ કરતાં તેના કૌટુંબિક સગા દ્વારા જ તેને કોઈ બાબતને ઝગડાનો રોષ રાખીને માર મારવામાં આવ્યો હોવાનું તપાસ દરમિયાન ખુલ્યું હતું.
