ટંકારાના લજાઈ પાસે જજના બંધ મકાનમાં ચોરીનો પ્રયાસ
SHARE
JOIN OUR GROUP
ટંકારાના લજાઈ પાસે જજના બંધ મકાનમાં ચોરીનો પ્રયાસ
ટંકારા તાલુકાના લજાઈ ગામ પાસે આવેલ મધુબન ગ્રીન્સ સોસાયટીમાં જજના બંધ મકાનને તસ્કરોએ નિશાન બનાવ્યું હતું અને ચોરી કરવાનો પ્રયાસ કર્યો હતો. જોકે, ઘરમાંથી કોઈ મુદ્દામાલ હાથ ન લાગતાં તસ્કર નાસી છૂટ્યા હતા અને હાલમાં ટંકારા તાલુકા પોલીસ સ્ટેશન ખાતે મધુબન ગ્રીન્સ સોસાયટીમાં રહેતા વૃદ્ધે ચોરીના પ્રયાસની ફરિયાદ નોંધાવતા પોલીસે ગુનો નોંધીને આરોપીને શોધવા માટે કવાયત શરૂ કરેલ છે
જાણવા મળતી વિગત પ્રમાણે ટંકારા તાલુકાના લજાઈ ગામ પાસે આવેલ મધુબન ગ્રીન્સ સોસાયટીમાં મોરબીના પૂર્વ જજ તૃપ્તિબેન ધીરજલાલ પડીયાનું બ્લોક નંબર સી-૬ મકાન તસ્કરોએ નિશાન બનાવ્યું હતું અને મકાનના દરવાજાના નકુચા તોડીને રાત્રિ દરમિયાન ઘરમાં પ્રવેશ કર્યો હતો જોકે, કોઈ મુદ્દા માલ તસ્કરને હાથમાં આવેલ નથી પરંતુ ચોરીનો પ્રયાસ કરવામાં આવ્યો હોવાથી હાલમાં મધુબન ગ્રીન્સ સોસાયટીમાં રહેતા સુંદરજીભાઈ હિરજીભાઈ આઘેરા જાતે પટેલ (ઉંમર ૫૯) એ ટંકારા તાલુકા પોલીસ સ્ટેશન ખાતે ચોરીના પ્રયાસની ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે
