મોરબીના ઘૂટું રોડ ઉપરથી ચોરાઉ બાઇક સાથે એક પકડાયો: ત્રણ બાઇક કબજે કર્યા

મોરબીના ઘૂટું રોડ ઉપર સીટી બી ડીવીજન પોલીસની ટીમ વાહન ચેક કરી રહી હતી ત્યારે એક શખ્સ શંકાસ્પદ હાલતમાં ત્યાંથી બાઇક લઈને નીકળ્યો હતો જેને રોકીને પૂછપરછ કરી હતી ત્યારે તેની પાસેથી ત્રણ ચોરાઉ બાઇક મળી આવ્યા છે જેથી કરીને પોલીસે આરોપીને પકડીને આગળની કાર્યવાહી હાથ ધરી છે.

મોરબી સીટી બી ડીવીજનની ટીમનો સ્ટાફ પ્રદીપસિંહ ઝાલા, કલ્પેશભાઇ અમરશીભાઇ, રમેશભાઇ રાયધનભાઇ, ચંદ્રસિંહ પઢિયાર, શક્તિસિંહ જાડેજા, ધર્મેન્દ્રભાઇ રાંકજા જુના ઘુંટુ રોડ ઉપર વોચમાં હતા ત્યારે ત્યાંથી શંકાસ્પદ હાલતમાં એક બાઇક ચાલક નીકળ્યો હતો ત્યારે તેને રોકીને બાઈકના કાગળો માંગ્યા હતા ત્યારે સંતોષકારક જવાબ મળ્યો ન હતો જેથી કરીને પોલીસે પોકેટકોપ એપલોકેશનથી બાઈકની ડિટેલ ચેક કરી હતી ત્યારે તે બાઇક ચોરાઉ હોવાનું સામે આવ્યું હતું જેથી કરીને આ શખ્સની વધુ પૂછપરછ કરવામાં આવી હતી ત્યારે તેની પાસેથી વધુ બે ચોરાઉ બાઇક મળી આવ્યા હતા જેથી કરીને પોલીસે આરોપી ગજુંભાઈ જાલમભાઈ દેવરા (૨૨) રહે. મૂળ એમપી હાલમાં શ્યામ હોટલ પાછળ લાલપર વાળાની ધરપકડ કરેલ છે