માળીયા (મી) નજીક નદી કાંઠે દારૂની રેડ: ૨૧૫૦ લિટર આથો, ૧૬૦ લિટર દારૂ સાથે એક પકડાયો
Morbi Today
વાંકાનેરના રાતાવિરડા પાસે ટ્રક કન્ટેનરના ચાલકે બાઇકને હડફેટે લેતા યુવાનનું મોત
SHARE
JOIN OUR GROUP
વાંકાનેરના રાતાવિરડા પાસે ટ્રક કન્ટેનરના ચાલકે બાઇકને હડફેટે લેતા યુવાનનું મોત
વાંકાનેર તાલુકાના સરતાનપર રોડ ઉપર રાતાવિરડા પાસે ટ્રક કન્ટેનરના ચાલકે બાઈકને હડફેટે લીધું હતું જેથી કરીને માથાના ભાગે ગંભીર ઇજા થવાથી યુવાનનું મોત નીપજયું હતું ત્યારબાદ આ બનાવવાની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી હતી
બનાવની જાણવા મળતી માહિતી પ્રમાણે મૂળ દાહોદ જિલ્લાના રહેવાસી અને હાલમાં ઉકરડા દહીસરડા ગામે ધીરુભાઈ ટપુભાઈ પટેલની વાડીએ રહીને મજૂરી કામ કરતા ગરમસિંહ વિંછીયાભાઈ નળવાયા (ઉંમર ૫૦) એ હાલમાં વાંકાનેર તાલુકા પોલીસ સ્ટેશન ખાતે ટ્રક કન્ટેનર નં. જીજે ૧૨ બીપી ૯૨૯૮ ના ચાલક સામે ફરિયાદ નોંધાવી છે જેમાં તેમણે જણાવ્યું છે કે મોરબીના માંડલ ગામ પાસે આવેલ આઈબીચ સિરામિક કારખાનામાં રહીને મજૂરી કામ કરતો ફરિયાદીનો દીકરો મહેશભાઈ ગરમસિંહ નળવાયા (ઉંમર ૨૯) બાઈક નં. જીજે ૩ બીઇ ૭૮૦૨ લઈને સરતાનપર રોડ ઉપર રાતાવિરડા પાસે આવેલ સીરામીક પાસેથી પસાર થઈ રહ્યો હતો ત્યારે આરોપી ટ્રક કન્ટેનરના ચાલકે તેના બાઇકને હડફેટે લીધું હતું જેથી કરીને મહેશને માથાના ભાગે ગંભીર ઈજા થઈ હોવાથી તેનું મોત નીપજ્યું હતું અને અકસ્માત મૃત્યુના આ બનાવની વાંકાનેર તાલુકા પોલીસને જાણ કરવામાં આવતા પોલીસની ટીમ ઘટના સ્થળે પહોંચી હતી અને મૃતકના મૃતદેહને પીએમ માટે હોસ્પિટલે લઈ જવામાં આવ્યો હતો અને હાલમાં મૃતક યુવાનના પિતાની ફરિયાદ લઈને પોલીસે ટ્રક કન્ટેનરના ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
મારામારીમાં ઇજા
મોરબીના મોડપર ગામે મારામારીનો બનાવ બન્યો હતો અને મારામારીના બનાવવામાં કાજલબેન અક્ષયભાઈ (ઉંમર ૨૮), નયનાબેન ગભાભાઇ દેલવાડીયા (ઉંમર ૩૭) અને ગભાભાઈ તેજાભાઈ દેલવાડીયા (ઉંમર ૪૦) ને ઇજાઓ થઈ હોવાથી તેને ઈજાગ્રસ્ત હાલતમાં મોરબીની સિવિલ હોસ્પિટલ ખાતે સારવાર માટે લઈને આવ્યા હતા અને આ બનાવની સિવિલ હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી
મારામારીમાં ઇજા
મોરબીના નાનીવાવડી ગામે મારામારીનો બનાવ બન્યો હતો જેમાં નાનીવાવડી ગામે રહેતા પુંજાભાઈ મોતીભાઈ મકવાણા (૫૫)ને ઇજા થયેલ હોવાથી તેને સારવાર માટે મોરબીની સિવિલ હોસ્પિટલ સાથે લઈને આવ્યા હતા આવી જ રીતે મારામારીનો બનાવ મકાનસર ગામે બન્યો હતો જેમાં ભરતભાઈ રમેશભાઈ દેગામા (ઉંમર ૨૦) અને જયશ્રીબેન રમેશભાઈ દેગામા (ઉમર ૨૧) ઇજા થયેલ હતી માટે તેને સારવારમાં મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી હતી
