મોરબીની હોટલમાં રાજકોટના યુવાને આર્થિક સંક્રમણના લીધે અંતિમ પગલું ભરી લેતા મોત
Morbi Today
મોરબીના પીપળી ગામ પાસેથી ૨૯ બોટલ દારૂ સાથે શખ્સ પકડાયો
SHARE
JOIN OUR GROUP
મોરબીના પીપળી ગામ પાસેથી ૨૯ બોટલ દારૂ સાથે શખ્સ પકડાયો
મોરબી તાલુકા પોલીસ સ્ટાફને મળેલ બાતમીને આધારે મોરબીના પીપળી ગામની સીમમાં આવેલ કારખાના નજીકથી અેક ઇસમને પકડીને તેની તલાસી લેવામાં આવતા તેની પાસેથી જુદીજુદી બ્રાન્ડની કુલ મળીને ૨૯ બોટલ દારૂ મળી આવતા રૂા.૧૦,૧૨૫ ની કિંમતના દારૂ સાથે એક શખ્સની ધરપકડ કરવામાં આવી હતી.
મોરબી તાલુકા પોલીસ મથકના જયદેવસિંહ ઝાલા સહિતનો સ્ટાફ વોચમાં હતો દરમિયાનમાં તાલુકા ડી-સ્ટાફના દિવ્યરાજસિંહ જાડેજાને મળેલ બાતમીને આધારે પીપળી ગામની સીમમાં આવેલ અક્ષત ટાઇલ્સ નામના કારખાના નજીકથી નીકળેલ અનિલ ચુનીલાલ લીલાપરા જાતે કોળી (ઉંમર ૨૦) રહે.નવા ઘાંટીલા તાલુકો હળવદ જીલ્લો મોરબીને અટકાવીને તેની તલાસી લેવામાં આવતા તેની પાસેથી જુદીજુદી બ્રાન્ડની કુલ ૨૯ બોટલ દારૂ મળી આવી હતી જેથી રૂા.૧૦,૧૨૫ ની કિંમતના દારૂના જથ્થા સાથે અનિલ ચુનીલાલ લિલાપરાની ધરપકડ કરી તેની સામે પ્રોહીબીશન એકટ મુજબ ગુનો દાખલ કરવામાં આવ્યો હતો જેની આગળની તપાસ તાલુકા પોલીસ મથકના જે.પી. વસિયાણી ચલાવી રહ્યા છે.
બાઈકમાંથી પડી જતા ઈજા
સુરેન્દ્રનગર જિલ્લાના ધાંગધ્રા તાલુકાના ભરાડા ગામે પટેલવાસમાં રહેતા પ્રેમીબેન બળદેવભાઈ ખાખરીયા નામના ૫૩ વર્ષના વૃદ્ધા ઘરેથી વાડી તરફ જતા હતા ત્યારે રસ્તામાં તેઓ બાઈકમાંથી નીચે પડી જતા ઇજાઓ થવાથી તેમને અત્રેની શિવમ હોસ્પિટલે સારવાર માટે લાવવામાં આવ્યા હતા.જ્યારે સુરેન્દ્રનગરના ધાંગધ્રા તાલુકાના ગાજણવાવ ગામના રહેવાસી જીતેશ જગદીશભાઈ સતાપરા નામના ૧૩ વર્ષના બાળકને ઘરેથી બાઈકમાં પાછળના ભાગે બેસીને વાડી તરફ જતા સમયે બાઈક સ્લીપ થઈ જવાના બનેલા અકસ્માત બનાવમાં ઇજાઓ થવાથી તેને પણ અહીંની શિવમ હોસ્પિટલ ખાતે સારવાર માટે લાવવામાં આવ્યો હતો જેથી મોરબી સીટી બી ડિવિઝન પોલીસે બંને બનાવની નોંધ કરીને આગળની તપાસ હાથ ધરી છે
