અભિનંદન : મોરબીની એલિટ બીએસસી કોલેજની બે વિદ્યાર્થીનીઓએ સૌરાષ્ટ્ર યુનિવર્સિટીમાં ગોલ્ડ મેડલ મેળવ્યા
SHARE
JOIN OUR GROUP
અભિનંદન : મોરબીની એલિટ બીએસસી કોલેજની બે વિદ્યાર્થીનીઓએ સૌરાષ્ટ્ર યુનિવર્સિટીમાં ગોલ્ડ મેડલ મેળવ્યા
જેને ઉડવુ છે તેને આકાશની કમી નથી તે યુકિત ફરી એક વાર પુરવાર કરતી એલીટ કોલેજ, સતત બીજા વર્ષે ગોલ્ડ મેડલ પ્રાપ્ત કરતી મોરબીની એકમાત્ર એલીટ કોલેજ.યુગ પરિવર્તનની જબરદસ્ત સંકલ્પના સાકાર કરવા માટે સત્ય, નિષ્ઠા તથા દ્રઢ મનોબળના સહારે સંકલ્પબદ્ધ બને, એવા વિચારની સાથે ચાલતી મોરબીની એલીટ ઇન્સ્ટીટ્યુટ આજે અનેરી સિદ્ધિ પ્રાપ્ત કરી રહી છે. તાજેતરમાં તા.૨૦-૧ ના રોજ સૌરાષ્ટ્ર યુનિવેર્સિટી દ્વારા યોજાયેલ ૫૭ માં વાર્ષિકોત્સવમાં એલીટ બી.એસસી કોલેજની બે વિદ્યાર્થીનીઓએ યુનિવર્સિટીની તમામ કોલેજના વિદ્યાર્થીઓથી વધુ માર્ક્સ મેળવીને ગોલ્ડ મેડલ પોતાના નામે કર્યો છે. તે બદલ એલીટ પરિવાર હર્ષની લાગણી અનુભવે છે.એલીટ બી.એસસી કોલેજની વિદ્યાર્થીની સોલંકી એકતાને બી.એસસી.માં ઓવર ઓલ તેમજ ભીમાણી હિપલને બી.એસસી. કેમેસ્ટ્રીમાં ગોલ્ડ મેડલ પ્રાપ્ત થયેલ છે. આ બંને વિદ્યાર્થીનીઓની આ સિદ્ધિ બદલ સંસ્થાના પ્રમુખ એસ.ડી.કલોલા, ટ્રસ્ટી રવિન કલોલા, પ્રિન્સિપાલ મિતલ મેડમ તથા અધ્યાપક ગણે અભિનંદન પાઠવ્યા હતા.
