મોરબીમાં પંજાબ નેશનલ બેંક પાસે રાહદારી યુવાનને કાર ચાલકે ઉડાવ્યો : ગુનો નોંધાયો
Morbi Today
અસલામત મોરબી : નાની કેનાલ રોડે એપાર્ટમેન્ટના પાર્કિંગમાંથી બાઇકની ચોરી..!
SHARE
JOIN OUR GROUP
અસલામત મોરબી : નાની કેનાલ રોડે એપાર્ટમેન્ટના પાર્કિંગમાંથી બાઇકની ચોરી..!
મોરબીના નાની કેનાલ રોડ ઉપર આવેલ એપાર્ટમેન્ટના પાર્કિંગમાંથી બાઇક મૂકવામાં આવ્યું હતું તે બાઇકની ચોરી કરવામાં આવેલ છે જેથી કરીને ભોગ બનેલા યુવાન દ્વારા હાલમાં મોરબી સીટી એ ડિવિઝન પોલીસ સ્ટેશન ખાતે બાઈક ચોરીની ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
બનાવની જાણવા મળતી માહિતી પ્રમાણે મોરબીના નાની કેનાલ રોડ ઉપર આવેલ ઓમ શિવ પેલેસ એપાર્ટમેન્ટના બ્લોક નં- ૪૦૨ માં રહેતા અશોકભાઈ હીરજીભાઈ કડીવાર જાતે પટેલ (૩૨) એ મોરબી સીટી એ ડિવિઝન પોલીસ સ્ટેશન ખાતે હાલમાં બાઇક ચોરીની ફરિયાદ નોંધાવેલ છે જેમાં તેને જણાવ્યું છે કે, ઓમ શિવ પેલેસના પાર્કિંગમાં તેણે પોતાનું બાઈક નં. જીજે ૩ ઇપી ૧૬૪૫ પાર્ક કરીને મૂક્યું હતું જે બાઈકની કોઈ અજાણ્ય શખ્સ દ્વારા ચોરી કરવામાં આવેલ છે જેથી ૨૦ હજાર રૂપિયાની કિંમતના બાઈકની ચોરી થઈ હોવા અંગેની અશોકભાઈ કડીવારે મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.
વાહન અકસ્માતમાં ઇજા
રાજસ્થાનના અજમેર જિલ્લાના અસલાલી વિસ્તારના રહેવાસી સોવનસિંગ પિતાસિંગ રાવત નામના ૪૨ વર્ષના યુવાનને સારવાર માટે ખાનગી હોસ્પિટલે ખસેડવામાં આવ્યો હતો.સૂત્રોના જણાવ્યા મુજબ થોડા સમય પહેલા અણીયારી ટોલનાકા પાસે ધુમસના લીધે વહેલી સવારે એક પાછળ એક અનેક વાહનો ટકરાયા હતા.જેમાં ટ્રક લઈને જતાં સોવનસિંગ રાવતને પણ ઇજાઓ પહોંચી હતી જેથી તેને મોરબીના જેતપર ગામે આવેલ પીએચસી ખાતે સારવારમાં ખસેડાયા બાદ વધુ સારવાર માટે મોરબીની ખાનગી હોસ્પિટલે લાવવામાં આવ્યો હતો હાલ બી ડિવિઝન પોલીસ મથકના પ્રફુલભાઈ પરમાર આ અંગે તપાસ ચલાવી રહ્યા છે.
ઝેરી દવા પી જતા સારવારમાં
મોરબી જિલ્લાના ટંકારા તાલુકામાં આવેલા સજજનપર ગામે વાડી વિસ્તારમાં રહીને મજૂરી કામ કરતાં શંકરભાઈ કટુભાઈ ભીલ જાતે આદિવાસી નામના ૨૮ વર્ષના યુવાને વાડી વિસ્તારમાં કોઈ કારણોસર ઝેરી દવા પી લીધી હતી જેથી તેને મોરબીની સિવિલ હોસ્પિટલે સારવાર માટે લાવવામાં આવ્યો હતો બનાવને પગલે જાણ થતા એ ડિવિઝન પોલીસ મથકના હરેશભાઈ ચાવડાએ પ્રાથમિક તપાસ કરીને બનાવ અંગે ટંકારા પોલીસને જાણ કરી હતી.
