વાંકાનેરના સરતાનપર ગામે સ્મશાન પાસેથી દારૂ ભરેલી કાર સાથે એક પડકાયો-એક ફરાર
SHARE
JOIN OUR GROUP
વાંકાનેરના સરતાનપર ગામે સ્મશાન પાસેથી દારૂ ભરેલી કાર સાથે એક પડકાયો-એક ફરાર
વાંકાનેર તાલુકાના સરતાનપર ગામના સ્મશાન પાસેથી કાર જતી હતી તેની રોકીને ચેક કરવામાં આવતા તે કારમાંથી દેશી દારૂનો જથ્થો મળી આવ્યો હતો જેથી પોલીસે ૩૫૦ લિટર દારૂ અને કાર મળીને ૩.૦૭ લાખનો મુદામાલ કબજે કરેલ છે અને એક આરોપીની ધરપકડ કરેલ છે જો કે, એક આરોપી નાશી ગયો હોય તેને પકડવા માટે તજવીજ શરૂ કરવામાં આવી છે.
વાંકાનેર તાલુકાના સરતાનપર ગામના સ્મશાન પાસેથી કાચા રસ્તા ઉપરથી સ્વીફ્ટ કાર નંબર જીજે ૨૩ એમ ૯૬૮૪ પસાર થઈ રહી હતી જેને રોકીને પોલીસે ચેક કરતા તે કારમાંથી ૩૫૦ લિટર દેશી દારૂનો જથ્થો મળી આવ્યો હતો જેથી કરીને પોલીસે ૩ લાખની કિંમતની કાર અને ૭૦૦૦ ની કિંમતનો દારૂ આમ કુલ મળીને ૩.૦૭ લાખ ની કિંમતનો મુદ્દા માલ કબજે કર્યો છે અને સ્થળ ઉપરથી હસમુખભાઈ મધુભાઈ દેકાવાડિયા જાતે કોળી (૩૦) રહે.ભવાનીગઢ તાલુકો મુળી જિલ્લો સુરેન્દ્રનગર વાળો મળી આવ્યો હતો જેથી તેની ધરપકડ કરેલ છે અને અજય કોળી રહે. માથક વાળો નાસી ગયો હોવાથી તેની સામે ગુનો નોંધીને તેને પકડવા માટે પોલીસે જ શરૂ કરેલ છે.
દેશી દારૂ
વાંકાનેર તાલુકાના વીરપર ગામે રહેણાંક મકાનમાં પોલીસે દારૂની રેડ કરી હતી ત્યારે ત્યાં દેશી દારૂ બનાવવા માટે ઉપયોગમાં લેવામાં આવતો ૬૦૦ લિટર આથો મળી આવ્યો હતો જેથી કરીને પોલીસે ભઠ્ઠીના સાધનો સહિત કુલ મળીને ૩૮૧૦ ની કિંમતનો મુદ્દામાલ કબજે કર્યો છે અને આરોપી મહીપતભાઈ ચતુરભાઈ દેકાવાડીયા જાતે કોળી રહે વીરપર વાળો હાજર ન હોવાથી તેની સામે વાંકાનેર તાલુકો પોલીસ સ્ટેશન ખાતે ગુનો નોંધી તેને પકડવા માટે પોલીસે તજવીજ શરૂ કરેલ છે.
