મોરબીના શક્તિ ચેમ્બર ૧-૨ માં તસ્કરના ધામા: ૨૦ થી વધુ દુકાનોના તાળા તૂટ્યા, ગુનો નોંધાયો
Morbi Today
મોરબી નજીક ઇડન સિરામિક પ્લાઝાના પાર્કિંગમાંથી બાઈકની ચોરી
SHARE
JOIN OUR GROUP
મોરબી નજીક ઇડન સિરામિક પ્લાઝાના પાર્કિંગમાંથી બાઈકની ચોરી
મોરબી વાંકાનેર હાઇવે ઉપર આવેલ લાલપર ગામ પાસે ઇડન સિરામિક પ્લાઝાના પાર્કિંગમાં યુવાને તેનું બાઇક પાર્ક કરીને મૂક્યું હતું જે બાઇકને કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે બાઈક ચોરીની ફરિયાદ નોંધવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરવામાં આવી છે
બનાવની જાણવા મળતી માહિતી મુજબ મોરબી શહેરના સામાકાંઠા વિસ્તારમાં નિત્યાનંદ સોસાયટી પાસે આવેલ પાવન પાર્કમાં રહેતા સંજયભાઈ જગદીશભાઈ નિમાવત જાતે બાવાજી (૪૪) એ મોરબી સીટી મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યું છે કે, મોરબી વાંકાનેર હાઇવે ઉપર આવેલ લાલપર ગામ પાસે ઈડન સિરામિક પ્લાઝાના ખુલ્લા પાર્કિંગમાં તેણે પોતાનું બાઈક નં જીજે ૩ બીએફ ૮૯૨૨ પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી દસ હજાર રૂપિયાની કિંમતના બાઈકની ચોરી થઈ હોવા અંગેની હાલમાં યુવાને ફરિયાદ નોંધાવતા મોરબી તાલુકા પોલીસે ચોરીનો ગુનો નોંધી આરોપીને પકડવા માટે તજવીજ શરૂ કરેલ છે
દેશી દારૂ
હળવદ તાલુકાના નવા સુંદરગઢ ગામે રહેતા અશ્વિન ઉર્ફે ભોપોના ઘરની અંદર દારૂનો જથ્થો હોવાની બાતમી મળી હતી જેના આધારે પોલીસે ત્યાં દારૂની રેડ કરતા ઘરમાંથી દોઢસો લીટર દેશી દારૂનો જથ્થો મળી આવ્યો હોય પોલીસે ૩૦૦૦ ની કિંમતનો દારૂનો જથ્થો કબજે કર્યો હતો અને રેડ કરવામાં આવી ત્યારે અશ્વિન ઉર્ફે ભોપો ઘરે હાજર ન હોવાથી હાલમાં હળવદ તાલુકા પોલીસ સ્ટેશન ખાતે અશ્વિન ઉર્ફે ભોપો ચંદુભાઈ ખાંભડીયા જાતે કોળી રહે. નવા સુંદરગઢ વાળાની સામે ગુનો નોંધી તેને પકડવા માટે તજવીજ શરૂ કરેલ છે
