મોરબી અને વાંકાનેરમાં શ્રમિકોની માહિતી ન આપતા વધુ ત્રણ સામે ફરિયાદ
Morbi Today
મોરબીના જાંબુડીયા નજીક જુગાર રમતી પાંચ મહિલ સહિત સાત જુગારી પકડાયા
SHARE
JOIN OUR GROUP
મોરબીના જાંબુડીયા નજીક જુગાર રમતી પાંચ મહિલ સહિત સાત જુગારી પકડાયા
મોરબી તાલુકાના જાંબુડીયા ગામની સીમમાં પોલીસે જુગારની રેડ કરી હતી ત્યારે સ્થળ ઉપર જુગાર રમતી પાંચ મહિલાઓ સહિત કુલ મળીને સાત વ્યક્તિ જુગાર રમતા મળી આવ્યા હતા જેથી પોલીસે ૧૧૫૫૦ ની કિંમતનો મુદામાલ કબજે કર્યો હતો અને તેની ધરપકડ કરી મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી વાંકાનેર હાઇવે ઉપર આવેલ જાંબુડીયા ગામની સીમમાં મચ્છોનગરમાં જાહેરમાં જુગાર રમતા હોવાની બાતમી મળી હતી જેના આધારે સ્થાનિક પોલીસની ટીમ દ્વારા ત્યાં જુગારની રેડ કરવામાં આવતા સંજયભાઈ નાથાભાઈ કૈલા (૪૦), અલ્પેશભાઈ વલ્લભભાઈ રાઠોડ (૩૪), ઘનીબેન રમેશભાઈ સંતોલા (૪૦), જ્યોત્સનાબેન પ્રવીણભાઈ પરમાર (૩૦), લાભુબેન પ્રાગજીભાઈ ઇન્દરિયા (૫૦), હંસાબેન સુરેશભાઈ ઉઘરેજા (૩૦) અને ભાવનાબેન સુરેશભાઈ બાવળીયા (૩૮) જુગાર રમતા મળી આવ્યા હતા જેથી પોલીસે તેની પાસેથી ૧૧૫૫૦ ની કિંમતનો મુદ્દામાલ કબજે કર્યો છે અને તેની સામે મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરવામાં આવી છે
યુવાન સારવારમાં
મોરબી વાંકાનેર હાઇવે ઉપર આવેલ શક્તિ ચેમ્બરથી શ્રીનાથજી કોમ્પલેક્ષ વચ્ચે ઇજાગ્રસ્ત હાલતમાં અજાણ્યો ૩૫ વર્ષનો યુવાન બેભાન હાલતમાં મળી આવ્યો હતો જેથી તેને ઇજાગ્રસ્ત હાલતમાં સારવાર માટે પ્રથમ મોરબી સિવિલ હોસ્પિટલ ખાતે અને ત્યાંથી વધુ સારવાર માટે રાજકોટ ખસેડવામાં આવ્યો છે અને આ બનાવની મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ રાબેતા મુજબની કાર્યવાહી હાથ ધરી છે
અકસ્માતમાં ઇજા
મોરબી શહેરના વાવડી રોડ ઉપર આવેલ રામપાર્ક સોસાયટીમાં રહેતો સાવન મહેશભાઈ સાલાણી (૧૫) નામનો બાળક બાઇકમાં મોરબીના નવલખી રોડ ઉપર આવેલ ગોર ખીજડીયા ગામ પાસેથી જતો હતો ત્યારે ત્યાં બાઇક સ્લીપ થઈ ગયું હતું જેથી અકસ્માતનો બનાવ બન્યો હતો અને તેમાં બાળકને ઈજા થઇ હોવાથી સારવાર માટે મોરબીની ખાનગી હોસ્પિટલમાં લઈને આવ્યા હતા અને અકસ્માતના આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
