મોરબીના લક્ષ્મીનગર ગામે મકનમાંથી અઢી તોલાના સોનાના દાગીના સહિત ૧.૯૦ લાખના મુદામાલની ચોરી

મોરબીના લક્ષ્મીનગર ગામ પાસે આવેલ રોટરી સોસાયટીમાં રહેતો યુવાન તેની પત્ની સાથે રાજકોટ કૌટુંબિક કાકાના ઘરે પ્રસંગમાં ગયો હતો અને તેના પિતા તેમજ બે દીકરા ઢોલ વગાડવા માટે બાજુમાં આવેલ ગામમાં ગયા હતા અને તેની માતા તથા દીકરી કપડાની ખરીદી કરવા માટે બહાર ગયા હતા જેથી તેનું ઘર બંધ હતું અને દરમિયાન તેના ઘરને કોઈ તસ્કરે નિશાન બનાવ્યું હતું અને ઘરના તાળા તોડીને કબાટમાં રાખેલ અઢી તોલાના સોનાના દાગીના તેમજ ૧.૪૦ લાખ રૂપિયા રોકડા આમ કુલ મળીને ૧.૯૦ લાખ ના મુદામાલની ચોરી કરવામાં આવેલ છે જેથી કરીને ભોગ બનેલા યુવાન દ્વારા હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવામાં આવતા પોલીસે અજાણ્યા શખ્સની સામે ગુનો નોંધી આરોપીને પકડવા માટે તજવીજ શરૂ કરેલ છે 

બનાવની જાણવા મળતી માહિતી મુજબ મોરબી માળિયા હાઇવે ઉપર આવેલ લક્ષ્મીનગર ગામ પાસે રોટરીનગર સોસાયટીમાં રહેતા મોતીભાઈ ચકુભાઈ પુરબીયા જાતે વાલ્મિકી (૩૬) એ હાલમાં અજાણ્યા શખ્સની સામે મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યું છે કે, તે પોતાના પત્ની હંસાબેન સાથે રાજકોટ તેના કૌટુંબીક કાકાના ઘરે પ્રસંગમાં ગયા હતા અને તેના પિતા ચકુભાઈ તથા બે દીકરા સુખદેવ અને કરણ ભરતનગર ગામે લગ્ન પ્રસંગમાં ઢોલ વગાડવા માટે ગયા હતા તેમજ તેની માતા લક્ષ્મીબેન અને દીકરી શીતલ ધ્રોલ કપડાની ખરીદી કરવા માટે ઘર બંધ કરીને ગયા હતા દરમિયાન કોઈ અજાણ્યા શખ્સ દ્વારા તેના મકાનને નિશાન બનાવવામાં આવ્યું હતું અને ઘરના તાળા તોડીને ઘરમાં પ્રવેશ કરી ઘરમાંથી અઢી તોલા સોનાના દાગીના તથા ૧.૪૦ લાખ રૂપિયા રોકડા આમ કુલ મળીને ૧.૯૦ લાખના મુદ્દામાલની ચોરી કરવામાં આવેલ છે જેથી કરીને યુવાન દ્વારા મોરબી તાલુકા પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધવામાં આવતા પોલીસે આરોપીને પકડવા માટે તજવીજ શરૂ કરેલ છે