મોરબીના કલેક્ટરે ડિસ્ટ્રિક્ટ ઇમરજન્સી ઓપરેશન સેન્ટરની લીધી મુલાકાત બ્રાહ્મણી-૨ ડેમના પાણીના પ્રવાહથી મયુરનગર-રાયસંગપર રોડનો કોઝવે ધોવાયો મોરબીનો મચ્છુ 2 ડેમ છલકાતા મેયર, ધારાસભ્ય, કલેકટર અને કમિશનરે નવા નીરના કર્યા વધામણાં હરે કૃષ્ણ સત્સંગ કેન્દ્ર-મોરબી દ્વારા દર વર્ષની જેમ આ વર્ષે પણ શ્રી જગન્નાથજીની રીટર્ન રથયાત્રા ઉજવણી કરી મોરબીના શનાળા નજીક મેડીકલ કોલેજ સામે સ્કુટરને કાર ચાલકે હડફેટે લેતા ત્રણ મહિલા સારવારમાં વાંકાનેરની શિક્ષિકાને પતિ સહિતના સાસરીયાઓનો ત્રાસ વાત્સલ્ય અને કરુણાની મહેક : મેંગોપીપલ પરીવારના 'પ્રોજેક્ટ મુસ્કાન'નો ૯ મા વર્ષમાં મંગલ પ્રવેશ શારીરિક સ્વચ્છતાની સાચી સમજણ સાથે નિઃશુલ્ક સેનેટરી પેડ્સનું વિતરણ કરાયું વાંકાનેર પંથકમાં મેઘરાજાની આક્રમક બેટીંગ : 4.5 ઈંચ પાણી પડી જતા અનેક વિસ્તારો જળબંબાકારવાંકાનેર પંથકમાં મેઘરાજાની આક્રમક બેટીંગ : 4.5 ઈંચ પાણી પડી જતા અનેક વિસ્તારો જળબંબાકાર

Breaking news

Morbi Today

મોરબીમાં બંધ કાર પાછળ એક્ટિવા અથડાવીને માથાકૂટ કરી યુવાનને બચકું ભરી લીધું !: બે સામે ફરિયાદ

14-03-2023 10:44 AM

મોરબીમાં મચ્છુ નદીમાં બનાવવામાં આવેલ બેઠા પુલ ઉપર ગાડી ચાલુ કરતાં સમયે પાછળથી આવી રહેલ ડબલ સવારી એકટીવા ગાડીમાં પાછળ અથડાયું હતું જેથી વાહનમાં નુકસાન થયું હતું અને ત્યારબાદ એકટીવાના ચાલકે “કેમ રોડ વચ્ચે ગાડી ઉભી રાખો છો” તેમ કહીને યુવાનને ગાળો આપી હતી ત્યારે ગાળો આપવાની ના પાડતા તેને ઢીકાપાટુનો માર મારીને ખભા ઉપર બચકું ભરી લીધું હતું જેથી ભોગ બનેલા યુવાન દ્વારા હાલમાં મોરબી સીટી બી ડિવિઝન પોલીસ સ્ટેશન ખાતે બે શખ્સોની સામે ફરિયાદ નોંધાવવામાં આવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ મોરબી શહેરના સામાકાંઠા વિસ્તારમાં આવેલ ઉમા ટાઉનશિપમાં વિરાટ હાઈટ્સ ફ્લેટ નં-૫૦૩ માં રહેતા રોનકભાઈ રજનીભાઈ અગોલા જાતે પટેલ (૨૯) પોતાની સ્વિફ્ટ ડિઝાયર ગાડી નં જીજે ૩૬ એલ ૮૭૭૩ લઈને મોરબીમાં મચ્છુ નદી ઉપર બનાવવામાં આવેલ બેઠા પુલ ઉપરથી જતા હતા ત્યારે તેઓએ ગાડીને રોડ સાઈડમાં ઉભી રાખી હતી અને ચાલુ કરતા હતા ત્યારે પાછળથી ડબલ સવારી એકટીવા આવ્યું હતું અને એકટીવાના ચાલકે ધડાકાભેર તેનું એકટીવા ગાડીની પાછળના ભાગમાં અથડાવ્યું હતું જેથી ગાડીમાં ૨૦૦૦ રૂપિયાની નુકસાની થઈ હતી અને એકટીવા અથડાવ્યા બાદ એકટીવા લઈને જતા શખ્સોએ ગાડીના ચાલકને “કેમ રોડ વચ્ચે ગાડી ઉભી રાખો છો” તેમ કહીને ગાળો આપી હતી ત્યારે ફરિયાદી યુવાને ગાળો આપવાની ના પાડતા ઉશ્કેરાયેલા શખ્સોએ માર માર્યો હતો અને તેની સાથે ગાડીમાં બેઠેલ સાહેદ વચ્ચે પડતા તેને પણ ઢીકાપાટુનો માર મારવામાં આવ્યો હતો અને આરોપી ચિરાગે ફરિયાદીને ડાબા ખભા ઉપર બચકું ભરી લીધું હતું જેથી ભોગ બનેલા રોનકભાઈ રજનીભાઈ અગોલાએ સારવાર લીધા બાદ મોરબી સીટી બી ડિવિઝન પોલીસ સ્ટેશન ખાતે બે શખ્સોની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે