મોરબીમાં વેપારી યુવાન સાથે લાખો રૂપિયાની ઠગાઈ કરનારા બે આરોપી જેલ હવાલે: મુખ્ય સૂત્રધારની શોધખોળ
Morbi Today
મોરબીની સેઝોન પેપર મિલના બોઇલર વિભાગમાં આગની જાળ લાગતાં દાજી ગયેલ બે મજૂર સારવારમાં
SHARE
JOIN OUR GROUP
મોરબીની સેઝોન પેપર મિલના બોઇલર વિભાગમાં આગની જાળ લાગતાં દાજી ગયેલ બે મજૂર સારવારમાં
મોરબી વાંકાનેર હાઈવે ઉપર આવેલ લખધીરપુર રોડ ઉપર પેપર મીલની અંદર બોઇલર વિભાગમાં કોલસા નાખતા સમયે આગની જાળમાં દાઝી ગયેલ બે મજૂરને સારવાર માટે ખસેડાયા હોવાનું પોલીસ સૂત્રોમાંથી જાણવા મળેલ છે
મોરબી તાલુકા પોલીસ સુત્રોમાંથી મળતી માહિતી મુજબ મોરબીના લખધીરપુર રોડ ઉપરના સેઝોન પેપર મીલ નામના યુનિટમાં બોઇલર વિભાગમાં કોલસાની ભઠ્ઠીમાં બારી ખોલીને અંદર કોલસો નાખતા સમયે આગની જાળ પાછી આવતા જાળમાં પ્રદીપ યાદવ અને ધનકા કમલેશભાઈ રહે. બંને સેઝોન પેપર મીલ લેબર કવાર્ટર વાળાઓ દાજી ગયા હતા જેથી તેને અત્રેની આયુષ હોસ્પિટલ ખાતે સારવાર માટે લાવવામાં આવ્યા હતા. અને હોસ્પિટલ સત્તાવાળાઓ દ્વારા મોરબી તાલુકા પોલીસને જાણ કરવામાં આવેલી હોય તાલુકા પોલીસ મથકના એ.એમ. જાપડીયા દ્વારા આ અંગે નોંધ કરી આગળની તપાસ ચલાવવામાં આવી રહી છે.
વાહન અકસ્માતમાં ઇજા
મોરબીના વાઘપરા વિસ્તારમાં રહેતા જગદીશભાઈ લક્ષ્મણભાઈ સોનાગ્રા (૨૭) તથા તેમના પત્ની નેહાબેન જગદીશભાઈ સોનાગ્રા (૨૫) ને વાહન અકસ્માતમાં ઇજા થતા બંનેને પ્રથમ અત્રેની સિવિલ હોસ્પિટલ અને બાદમાં આયુષ હોસ્પિટલે સારવાર માટે લઈ જવામાં આવ્યા હતા. અને પોલીસ તરફથી મળતી માહિતી મુજબ વાઘપરામાં રહેતા જગદીશભાઈ અને નેહાબેન બને નવલખી રોડ ઉપર આવેલ સેન્ટ મેરી સ્કૂલ પાસેથી બાઈક લઈને જતા હતા ત્યારે રસ્તામાં તેઓનું બાઈક સ્લીપ થઈ જતા બંનેને ઈજા પહોંચી હતી જેથી સારવારમાં લઈને આવ્યા હતા અને બી ડિવિઝન પોલીસ મથકના હિતેશભાઈ મકવાણા આગળની તપાસ ચલાવી રહ્યા છે.
મારામારીમાં ઇજા
મોરબીના સામાકાંઠે શોભેસ્વાર રોડ પાસે આવેલ જૂની કુબેર ટોકીઝની પાછળ મફતિયાપરા વિસ્તારમાં રહેતા દિલીપભાઈ કરસનભાઈ કુંઢીયા (૫૦)ને મારામારીના બનાવવામાં ઈજા થતાં સિવિલ હોસ્પિટલે સારવાર માટે લાવવામાં આવ્યો હતો આ બનાવ સંદર્ભે બી ડિવિઝન પોલીસ મથકના વાલભાઈ ચાવડાએ તપાસ કરતાં એવી માહિતી સામે આવી હતી કે, સાળા તથા બનેલી વચ્ચે કોઈ બાબતે બોલાચાલી અને ઝઘડો થયો હતો અને તે બાદ થયેલ મારામારીના બનાવમાં દિલીપભાઈ કુંઢીયાને ઇજાઓ પહોંચતા સિવિલ હોસ્પિટલે સારવાર માટે લાવવામાં આવ્યા હતા તો મોરબીના વીસીપરામાં આવેલ શાંતિવન સોસાયટીમાં રહેતા દેવજીભાઈ બટુકભાઈ નામના ૩૨ વર્ષના યુવાનને પણ ઘર નજીક મારામારીના બનાવમાં ઈજા પહોંચી હોય તેને સિવિલ હોસ્પિટલે સારવાર માટે લાવવામાં આવ્યો હતો આ બનાવની જાણ થતા બી ડિવિઝન પોલીસ મથકના હિતેશભાઈ મકવાણા દ્વારા આ અંગે આગળની તપાસ ચલાવવામાં આવી રહી છે.
