મોરબીમાં સી.આર. પાટિલના જન્મદિવસ નિમિતે યુવા ભાજપ દ્વારા રક્તદાન કેમ્પ યોજાયો
Morbi Today
વાંકાનેરના સરતાનપર રોડ ઉપરથી ચોરાઉ બાઇક અને નવ મોબાઈલ સાથે એક શખ્સ ઝડપાયો
SHARE
JOIN OUR GROUP
વાંકાનેરના સરતાનપર રોડ ઉપરથી ચોરાઉ બાઇક અને નવ મોબાઈલ સાથે એક શખ્સ ઝડપાયો
વાંકાનેર તાલુકા પોલીસ સ્ટેશન વિસ્તારમાંથી સરતાનપર અને માટેલ જવાના રસ્તા પાસેથી ચોરી કે છળકપટથી મેળવેલ એક મોટર સાયકલ તથા નવ મોબાઇલ સાથે એક ઇસમની એસઓજીની ટીમે કરી ધરપકડ કરેલ છે
મોરબી જિલ્લા એસઓજીના પીઆઇ એમ.પી.પંડ્યાની સૂચના મુજબ સ્ટાફ કામ કરી રહ્યો છે ત્યારે એસઓજીના જુવાનસિંહ બી. રાણા, આશીફભાઇ આર. રાઉમા, કમલેશભાઇ કે. ખાંભલીયાને સંયુક્ત બાતમી મળેલ હતી કે, એક ઇસમ શરીરે બ્લુ કલરનું ટીશર્ટ તથા કાળા કલરનું નાઇટી પેન્ટ પહેરેલ છે. તેની પાસે નંબર પ્લેટ વગર બાઇક છે અને તે સરતાનપર રોડ તરફથી માટેલ તરફ જવા નીકળનાર છે. જે બાઇક તેને ચોરી કે છળકપટથી મેળવેલ છે જેથી પોલીસે વોચમાં હતી અને બાતમી મુજબનો શખ્સ બાઇક સાથે મળી આવતા પોલીસે બાઈકના કાગળો બતાવવા માટે કહ્યું હતું ત્યારે તે ગલ્લા તલ્લા કરવા લાગ્યો હતો જેથી પોકેટકોપથી સર્ચ કરતા તે બાઇક કોઇ સ્થળેથી ચોરી અથવા છળકપટથી મેળવેલ જણાતા ૨૫૦૦૦ નું બાઇક અને આ શખ્સ પાસેથી અલગ અલગ કંપનીના નવ મોબાઇલ મળી આવ્યા હતા જેથી ૨૭,૦૦૦ ના મોબાઈલ ફોન આમ કુલ મળીને ૫૨,૦૦૦ નો મુદામાલ કબજે કરવામાં આવેલ છે અને સી.આર.પી. કલમ-૧૦૨ મુજબ વાંકાનેર તાલુકા પોલીસ સ્ટેશનમાં આરોપી વિસાલભાઇ ભીમજીભાઇ આત્રેસા જાતે કોળી (૨૫) રહે. ઇટાલીકા કોમ્પલેક્ષમાં બંધ પડેલી દુકાનમાં તાલુકો વાંકાનેર વાળાની ધરપકડ કરેલ છે
