મોરબી સિવિલનો વહીવટ રામભરોસે: ગટરની ગંદકી, આરો પ્લાન્ટ બંધ, અધિકારી નિંદ્રાધીન !
Morbi Today
મોરબીના મહેન્દ્રનગર ગામે ઘરમાંથી રોકડ-૩ મોબાઈલની ચોરી કરનાર આરોપીની ધરપકડ
SHARE
JOIN OUR GROUP
મોરબીના મહેન્દ્રનગર ગામે ઘરમાંથી રોકડ-૩ મોબાઈલની ચોરી કરનાર આરોપીની ધરપકડ
મોરબી નજીકના મહેન્દ્રનગર ગામે પીપરવાડી વિસ્તારમાં આવેલ સાનિધ્ય પાર્કમાં રહેતા યુવાનના ઘરની અંદર તસ્કરે પ્રવેશ કર્યો હતો અને રોકડા ૨૨૦૦૦ તથા ત્રણ મોબાઈલ ફોન મળીને કુલ ૩૭૦૦૦ નો મુદ્દામાલ ચોરી કરવામાં આવ્યો હતો જેથી ભોગ બનેલા યુવાન દ્વારા મોરબી સીટી બી ડિવિઝન પોલીસ સ્ટેશન ખાતે અજાણ્યા શખ્સની સામે ફરિયાદ નોંધાવવામાં આવી હતી જેના આધારે પોલીસે ચોરીના આગુના અગાઉ ૧૧ વખત ચોરીના ગુનામાં પકડાયેલા રીઢા ચોરને પકડીને તેની પાસેથી તમામ મુદામાલ રિકવર કરીને આરોપીને જેલ હવાલે કરેલ છે
જાણવા મળતી માહિતી મુજબ મૂળ હળવદ તાલુકાના મિયાણી ગામના રહેવાસી અને હાલમાં મોરબી નજીકના મહેન્દ્રનગર ગામ પાસે પીપરવાળી વિસ્તારમાં સાનિધ્ય પાર્ક-૧ માં રહેતા રવિભાઈ રામજીભાઈ સીણોજીયા જાતે પટેલ (૨૫) એ અજાણ્યા શખ્સની સામે મોરબી સીટી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવી હતી જેમાં જણાવ્યુ હતું કે, રાત્રિના સમયગાળા દરમિયાન કોઈ અજાણ્યા શખ્સ દ્વારા તેના ઘરની અંદર પ્રવેશ કરવામાં આવ્યો હતો અને રાત્રિ દરમિયાન ઘરમાંથી રોકડા રૂપિયા ૨૨૦૦૦ તથા જુદીજુદી કંપનીના ૧૫૦૦૦ રૂપિયાની કિંમતના ત્રણ મોબાઇલ ફોન આમ કુલ મળીને ૩૭૦૦૦ ની કિંમતના મુદ્દામાલની ચોરી કરવામાં આવી હતી જેથી પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરેલ હતી અને હાલમાં આ ગુનામાં પોલીસે આરોપી હાજી અકબરભાઈ માણેક જાતે મિયાણા (૨૩) રહે. સોઓરડી રામદેવપીર મંદિર પાસે મોરબી વાળાની ધરપકડ કરેલ છે અને તેની પાસેથી ચોરીમાં ગયેલ તમામ મુદામાલ રિકવર કરવામાં આવેલ છે અને આ આરોપીને જેલ હવાલે કરવામાં આવ્યો હોવાનું તપાસનીસ અધિકારી ભગવાનભાઈ ખટાણા પાસેથી જાણવા મળેલ છે વધૂમાં મળતી માહિતી મુજબ આ શખ્સ અગાઉ એક કે બે વખત નહીં પરંતુ ૧૧ વખત ચોરીના ગુનામાં પકડાઈ ગયેલ છે
