મોરબીના રવાપર ગામે ક્રિકેટ સટ્ટો રમતા એક શખ્સ પકડાયો, એકની શોધખોળ
SHARE
JOIN OUR GROUP
મોરબીના રવાપર ગામે ક્રિકેટ સટ્ટો રમતા એક શખ્સ પકડાયો, એકની શોધખોળ
મોરબીના રવાપર ગામે શિવશક્તિ સોસાયટી પાસે મોબાઇલમાં ક્રિકેટ લાઇવ ગુરુ ઓનલાઈન એપ્લિકેશનમાં ભારત ઓસ્ટ્રેલિયા વચ્ચેની વન-ડે મેચ જોઈને રનફેરનો જુગાર રમવામાં આવતો હતો જેથી ક્રિકેટ સટ્ટો રમતા એક શખ્સની પોલીસે ૬૫૦૦ ના મુદ્દામાલ સાથે ધરપકડ કરી છે અને તેની પાસેથી વધુ એક શખ્સનું નામ સામે આવ્યું હોય તેને પકડવા માટે પોલીસે તજવીજ શરૂ કરી છે
જાણવા મળતી માહિતી મુજબ મોરબી નજીકના રવાપર ગામે શિવશક્તિ સોસાયટી પાસે ક્રિકેટ લાઇવ ગુરુ ઓનલાઈન એપ્લિકેશનમાં ભારત ઓસ્ટ્રેલિયા વચ્ચેની વન-ડે ક્રિકેટ મેચ જોઈને ક્રિકેટ સટ્ટો રમવામાં આવતો હોવાની બાતમી મળી હતી જેના આધારે મોરબી સીટી એ ડિવિઝન પોલીસની ટીમ દ્વારા ત્યાં જુગારની રેડ કરવામાં આવતા સ્થળ ઉપરથી સુરેશભાઈ મહેન્દ્રભાઈ પુજારા જાતે લોહાણા (૪૦) રહે. રવાપર ગામ શિવશક્તિ સોસાયટી કે.કે. ટાવર વાળી શેરી વાળો ક્રિકેટ સટ્ટો રમતા મળી આવ્યો હતો જેથી પોલીસે ૧૫૦૦ રૂપિયા રોકડા તેમજ ૫૦૦૦ રૂપિયાની કિંમતનો મોબાઇલ આમ કુલ મળીને ૬૫૦૦ ના મુદ્દામાલ સાથે સુરેશભાઈ પુજારાની ધરપકડ કરી હતી અને તે ટંકારા તાલુકાના નસીતપર ગામે રહેતા રમેશભાઈ ગામી સાથે મોબાઈલ ફોન ઉપર રનફેરનો જુગાર રમતો હોવાનું સામે આવ્યું હોવાથી રમેશભાઈ ગામી સામે પણ ગુનો નોંધીને તેને પકડવા માટે પોલીસે તજવીજ શરૂ કરી છે
