મોરબીના ગુંદાખડા ગામે મોટી બહેન સાથે રસોઈ બનાવવા બાબતે ઝઘડો થતા દવા પી ગયેલ સગીરા સારવારમાં
SHARE
JOIN OUR GROUP
મોરબીના ગુંદાખડા ગામે મોટી બહેન સાથે રસોઈ બનાવવા બાબતે ઝઘડો થતા દવા પી ગયેલ સગીરા સારવારમાં
મોરબી જિલ્લાના વાંકાનેર તાલુકામાં આવેલ ગુંદાખડા ગામે સગીરા ઝેરી દવા પી જતા તેણીને સારવાર માટે મોરબી લાવવામાં આવી હતી.સગીરાને મોટી બહેન સાથે રસોઈ બનાવવા બાબતે ઝઘડો થયો હતો તે વાતમાં સગીરા દવા પી ગઈ હોય તેણીને સારવાર માટે મોરબી લાવવામાં આવી હોવાનું સામે આવ્યું હતું..!
મોરબી એ ડિવિઝન પોલીસ મથકના વિપુલભાઈ ફુલતરીયા પાસેથી મળતી માહિતી મુજબ મોરબીના વાંકાનેર તાલુકાના ગુંદાખડા ગામે રહેતી મીરલબેન મનસુખભાઈ સાપરા નામની ૧૬ વર્ષીય સગીરા ઝેરી દવા પી ગઈ હતી જેથી તેણીને સારવાર માટે અહિંની મંગલમ હોસ્પિટલે લાવવામાં આવી હતી અને બનાવ સંદર્ભે હોસ્પિટલ તરફથી જાણ થતા તપાસ કરવામાં આવી હતી.જેમાં ખુલ્યું હતું કે રસોઈ બનાવવા બાબતે મીરલબેનને તેની મોટી બહેન સાથે સામાન્ય બોલાચાલી ઝઘડો થયો હતો તે વાતનું મનોમન લાગી આવતા મીરલબેને ઉપરોક્ત પગલું ભરી લીધું હતું અને હાલ મીરલબેન મંગલમ હોસ્પિટલ ખાતે સારવાર હેઠળ છે.
શિવ માઇક્રોનમાં સિમેન્ટની ટાંકીમાં પડી જતા મહિલા સારવાર
મોરબીના માળિયા હાઇવે ઉપર રાપર ગામ પાસે આવેલ યુનિટમાં કામ દરમિયાન મહિલા સિમેન્ટની ટાંકીમાં પડી જતા તેણી ગુંગણાઇ ગઇ હોવાથી બેભાન હાલતમાં જેતપર પીએચસી ખાતેથી વધુ સારવાર માટે મોરબી લાવવામાં આવી હતી.મોરબી તાલુકા પોલીસસુત્રોમાંથી મળતી માહિતી મુજબ મોરબીના માળીયા હાઇવે ઉપર આવેલ રાપર ગામ નજીકના શિવ માઇક્રોન નામના યુનિટમાં કામ દરમિયાન અકસ્માતે વિમલાબેન ઉર્ફે બીમલાબેન સુરેશભાઈ પાલ નામની ૨૮ વર્ષીય મજૂર મહિલા સિમેન્ટની ટાંકીમાં પડી ગઈ હતી.જેથી ગુંગણાઈ જતા બેભાન હાલતમાં પ્રથમ જેતપર પીએચસી ખાતે અને ત્યારબાદ મોરબી સિવિલ હોસ્પિટલે લાવવામાં આવી હતી અને અહીં સિવિલે ખાતેથી વધુ સારવાર માટે વિમલાબેનને અહિંની મંગલમ હોસ્પિટલે ખસેડાયા હતા બનાવ સંદર્ભે હાલમાં તાલુકા પોલીસ મથકના જે.બી.પરમાર આગળની તપાસ ચલાવી રહ્યા હોવાનું સૂત્રોમાંથી જાણવા મળેલ છે.
