મોરબીના સામાકાંઠે ઉમા ટાઉનશીપ નજીક પોલ સાથે કાર અથડાતા નુકશાની
Morbi Today
મોરબીમાં ટ્રક ડમ્પર ચલાવવા બાબતે યુવાનને તેના ભાગીદાર અને ભાગીદારના પિતાએ આપી મારી નાખવાની ધમકી
SHARE
JOIN OUR GROUP
મોરબીમાં ટ્રક ડમ્પર ચલાવવા બાબતે યુવાનને તેના ભાગીદાર અને ભાગીદારના પિતાએ આપી મારી નાખવાની ધમકી
મોરબી નજીકના પીપળી ગામે ઇન્ડિયન ઓઇલ પંપની સામેના ભાગમાં યુવાનને ટ્રક ડમ્પર ચલાવવા બાબતે તેના ભાગીદાર તથા ભાગીદારના પિતાએ બેફામ ગાળો આપીને બોલાચાલી કરી હતી અને બાદમાં ઢીકાપાટુનો માર માર્યો હતો અને જાનથી મારી નાખવાની ધમકી આપી હતી જેથી કરીને ભોગ બનેલા યુવાન દ્વારા હાલમાં તેના ભાગીદાર તેમજ ભાગીદારના પિતાની સામે ફરિયાદ નોંધાવવામાં આવાતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી વિગત પ્રમાણે મોરબીમાં આવેલ આંબેડકરનગર કોલોનીમાં રહેતા છગનભાઈ રઘુભાઈ પરમાર (૪૫)એ હાલમાં મોરબી તાલુકા પોલીસ સ્ટેશન ખાતે સંજયભાઈ વિનુભાઈ રાઠોડ તથા વિનુભાઈ રાઠોડ રહે. બંને શિવ પાર્ક મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, મોરબીના જેતપર રોડ ઉપર આવેલ પીપળી ગામની સીમમાં ઇન્ડિયન ઓઇલ કંપનીના પંપની સામેના ભાગમાં તેના ભાગીદાર સંજય વિનુભાઈ રાઠોડ તથા ભાગીદારના પિતા વિનુભાઈ રાઠોડ દ્વારા તેની સાથે બોલાચાલી કરવામાં આવી હતી તેમજ ગાળો આપીને ઢીકાપાટુનો માર મારવામાં આવ્યો હતો અને ફરિયાદી યુવાનને જાનથી મારી નાખવાની ધમકી આપવામાં આવી હતી જેથી ભોગ બનેલા યુવાન દ્વારા સારવાર લીધા બાદ હાલમાં તેના ભાગીદાર સંજય રાઠોડ તથા ભાગીદારના પિતા વિનુભાઈ રાઠોડની સામે ફરિયાદ નોંધાવવામાં આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે
