મોરબીના જૂના રફાળેશ્વર રોડેથી દારૂ ભરેલ કાર સાથે એક શખ્સ પકડાયો: મહિલા સહિત ત્રણ બુટલેગરની શોધખોળ
Morbi Today
મોરબીના વીસીપરામાં જુગારની બે રેડ: ત્રણ મહિલા સહિત સાત જુગારી પકડાયા
SHARE
JOIN OUR GROUP
મોરબીના વીસીપરામાં જુગારની બે રેડ: ત્રણ મહિલા સહિત સાત જુગારી પકડાયા
મોરબીના વીસીપરા વિસ્તારની અંદર ચાર ગોદામ પાસે અને અન્ના સાગર મુરઘી વાળાની પાછળની ગલીમાં જુગારની જુદી જુદી બે રેડ કરવામાં આવી હતી ત્યારે ત્રણ મહિલા સહિત કુલ મળીને સાત જુગારી મળી આવ્યા હતા જેથી પોલીસે રોકડ કબજે કરીને તેની સામે બી ડિવિઝન પોલીસ સ્ટેશન ખાતે જુગારના જુદા જુદા બે ગુના નોંધી રાબેતા મુજબની કાર્યવાહી હાથ ધરી છે
મોરબીના રોહીદાસ પરા વિસ્તારમાં ચાર ગોદામ પાસે જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે મહેશ ઉર્ફે કલુ હેમુભાઇ ગણેશીયા (૨૪), કાનાભાઈ રામજીભાઈ મણદરીયા (૨૨) અને છગનભાઈ મોતીભાઈ પરેશા (૨૫) રહે. બધા વીસીપરા મોરબી વાળા જુગાર રમતા મળી આવ્યા હતા જેથી પોલીસે ૭૨૦ ની રોકડ કબજે કરી તેની સામે જુગારધારા હેઠળ ગુનો નોંધીને આગળની કાર્યવાહી હાથ ધરી છે આવી જ રીતે જુગારની બીજી રેડ મોરબીના વીસીપરા મેઇન રોડ ઉપર આવેલ અન્ના સાગર મુરઘી વાળાની પાછળની ગલીમાં કરવામાં આવી હતી ત્યારે ત્યાં અબ્દુલભાઈ રહીમભાઈ ભટ્ટી (૩૫), રેખાબેન દેવશીભાઈ સુરેલા (૨૯), મદીના ઉર્ફે સલમાબેન ફકીરમામદ શાહમદાર (૨૮) અને રસીદાબેન સિરાજભાઈ શાહમદાર (૨૪) જુગાર રમતા મળી આવ્યા હતા જેથી પોલીસે તેની પાસેથી ૧૫૦૦ ની રોકડ કબજે કરી બી ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી હતી
એક બોટલ દારૂ
મોરબી તાલુકાના જુના નાગડાવાસ ગામના પાટીયા પાસેથી માળીયા હાઇવે ઉપર પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી કરીને પોલીસે ૩૭૫ ની કિંમતની દારૂની બોટલ સાથે શેતાનારામ મંગલારામ ભાદુ જાતે બિસ્નોઈ (૨૪) રહે. સમરાતલ હોટલ રામપર ગામના પાટીયા પાસે તાલુકો મોરબી મૂળ રહે રાજસ્થાન વાળાની ધરપકડ કરેલ છે
