મોરબીમાં દુકાનમાં ઘુસીને વેપારીને મારી નાખવાની ધમકી અપનારા શખ્સની સામે ગુનો નોંધાયો
Morbi Today
વાંકાનેરના કેરાળા ગામે તું ઘરમાં કામ કરતી નથી કહીને પરિણીતીને પતિ, સાસુ, દિયર અને કાકાજી સસરાએ માર માર્યો
SHARE
JOIN OUR GROUP
વાંકાનેરના કેરાળા ગામે તું ઘરમાં કામ કરતી નથી કહીને પરિણીતીને પતિ, સાસુ, દિયર અને કાકાજી સસરાએ માર માર્યો
વાંકાનેર નજીક આવેલ કેરાળા ગામે રહેતી પરણીતાને તેના પતિ સહિતના ચાર સાસરીયો દ્વારા તું ઘરમાં કામ કરતી નથી અને બેસી જ રહે છે તેમ કહી ગાળો આપી ઢીકા પાટુનો માર માર્યો હતો અને ટાંટિયા ભાંગી નાખવાની ધમકી આપવામાં આવી હતી જેથી કરીને ભોગ બનેલ મહિલા દ્વારા વાંકાનેર સિટી પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે
બનાવની જાણવા મળતી વિગત મુજબ વાંકાનેર નજીક આવેલ કેરાળા ગામે રહેતા નિયામતબેન નજરૂદ્દીનભાઈ બાદી જાતે મોમીન (૪૦)એ હાલમાં તેના સાસુ ફાતુબેન અબ્દુલભાઈ બાદી, દિયર અખ્તરભાઈ અબ્દુલભાઈ બાદી, પતિ નજરૂદ્દીન અબ્દુલભાઈ બાદી અને કાકાજી સસરા હુસેનભાઇ હાજીભાઈ બાદી રહે, બધા કેરાળા વાળાની સામે ફરિયાદ નોંધાવેલ છે જેમાં તેને જણાવ્યું છે કે તે પોતાના દીકરાને નિશાળે મુકવા માટે થઈને ગઈ હતી અને ત્યાંથી ઘરે પરત આવી ત્યારે તેના સાસુ ફાતુબેન બાદીએ તું ઘરનું કામ નથી કરતી અને બેસી જ રહે છે તેમ કહીને મેણાટોણા મારવા લાગ્યા હતા અને ત્યારબાદ ઉસકેરાઈ જઈને ઝપાઝપી કરી ગાલ ઉપર ફડાકો માર્યો હતો અને પીઠમાં ઢીકા પાટુનો માર માર્યો હતો ત્યારે તેના દિયર અખ્તરભાઈ બાદી દ્વારા જેમ ફાવે તેમ ગાળો આપીને કપડાં ધોવાના ધોકા વડે પીઠના ભાગે માર મારી ગળું દબાવ્યું હતું અને ત્યારે ભોગ બનેલ મહિલાનો પતિ વાડીએ હોય તેને ફરિયાદીના દિયર દ્વારા ફોન કરીને બોલાવવામાં આવતા નજરૂદ્દીન બાદી અને તેના કાકા હુસેનભાઇ બાદી ત્યાં ઘરે આવ્યા હતા ત્યારે મહિલાને તેના પતિએ વાળ પકડીને જમીન ઉપર પાડી દઈને માર માર્યો હતો તેમ જ કાકાજી સસરાએ ટાંટીયા ભાંગી નાખવાની ધમકી આપી હતી જેથી કરીને ભોગ બનેલ મહિલા દ્વારા વાંકાનેર સિટી પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે
