મોરબી નજીક ડબલ સવારી બાઇકને હડફેટે લઈને રાજકોટના યુવાનનું મોત નિપજાવનાર ટ્રક ચાલકની ધરપકડ
SHARE
JOIN OUR GROUP
મોરબી નજીક ડબલ સવારી બાઇકને હડફેટે લઈને રાજકોટના યુવાનનું મોત નિપજાવનાર ટ્રક ચાલકની ધરપકડ
મોરબીના જેતપર રોડ ઉપર આવેલ રંગપર ગામ પાસે પેટ્રોલ પંપની સામેથી ડબલ સવારી બાઈક પસાર થઈ રહ્યું હતું ત્યારે બાઈકને ટ્રક ચાલકે હડફેટે લીધું હતું જેથી કરીને અકસ્માતનો બનાવ બન્યો હતો અને તેમાં રાજકોટના રહેવાસી યુવાનનું મોત નીપજયું હતું જેથી મૃતક યુવાનના પિતા દ્વારા મોરબી તાલુકા પોલીસ સ્ટેશન ખાતે ટ્રક ચાલક સામે ફરિયાદ નોંધાવી હતી જેના આધારે પોલીસે ગુનો નોંધીને આરોપીની ધરપકડ કરેલ છે.
જાણવા મળતી માહિતી મુજબ રાજકોટમાં ૧૫૦ ફૂટ રીંગ રોડ ઉપર આવેલ બાલાજી હોલ પાસે શ્રીરામ પાર્ક શેરી નં-૩ માં રહેતા નવીનભાઈ ત્રીકમભાઈ માખેસણા જાતે પટેલ (૫૬)એ ટ્રક નંબર આરજે ૨૧ જીડી ૮૧૯૯ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી હતી કે, તેનો દીકરો રંગપર ગામની સીમમાં આવેલ સોમનાથ પેટ્રોલ પંપ પાસેથી બાઈક જીજે ૩૬ એડી ૮૧૪૬ લઈને પસાર થતો હતો ત્યારે પાર્થ નવીનભાઈ માખેસણા (૨૩) ના બાઈકને આરોપી ટ્રક ચાલકે હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવવામાં પાર્થ માખેસણાને ગંભીર ઈજા થઈ હોવાથી તેનું મોત નીપજ્યું હતું જોકે બાઈકમાં તેની સાથે બેઠેલ પાર્થ અનિલભાઈ કણસાગરા (૧૯) નામના યુવાનને ઇજા થઈ હતી જેથી કરીને ઇજાગ્રસ્તને સારવાર માટે હોસ્પિટલે લઈ ગયા હતા. હાલમાં મૃતક યુવાનના પિતાએ ટ્રક ચાલકની સામે ફરિયાદ નોંધાવતા પોલીસે ગુનો નોંધીને આરોપીને પડવા માટે તજવીજ શરૂ કરેલ છે આ બનાવની આગળ વધુ તપાસ મોરબી તાલુકા પોલીસ સ્ટેશનના પોએસઆઈ બી.એ. ગઢવી કરી રહ્યા હતા અને હાલમાં આરોપી દેવારામ ઉર્ફે દેબારામ હસમુખરામ રાયકા જાતે રબારી (૩૩) રહે. ગગવાળા જિલ્લો નાગોર રાજસ્થાન વાળાની ધરપકડ કરીને આગળની કાર્યવાહી કરેલ છે.
